Yekîtiya Suryanî: Divê Komîteya Destûrî bê avakirin

Hewlêr (Rûdaw) - Partiya Yekîtiya Suryan li Sûriyê daxwaz dike komîteya destûrî bi wekhevî di navbera Encûmena Sûriya Demokratîk, Itîlafa Opozisyonê, hikûmet û saziyên civaka sivîl de bê parvekirin.

 

Hevserokê Partiya Yekîtiya Suryan Senherîb Bersûm da xuyakirin ku dîtina çareseriyeke siyasî ji rewşa Sûriyê re, nakeve xizmeta berjewendiyên Rûsya, Îran û Tirkiyê, ji ber vê yekê ew hersê welat naxwazin komîteya destûrî bê avakirin û her yek ji aliyê xwe ve siyaseteke defakto, li gor xwe birêve dibe.

 

Bersûm ji Neteweyên Yekbûyî dixwaze ew serpereştiya pêkanîna vê komîteyê bike, ew jî li gor çend bingeh û pîvanên nû.

 

Partiya Yekîtiya Suryan, cihê xwe di nav Rêveberiya Xweser de digire û baregeha wê ya sereke jî li bajarê Qamişlo ye.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger