Deriyê sînorî yê Îbrahîm Xelîl vedibe

Navenda Nûçeyan – Wezîrê Bazirganî û Gumrikê yê Tirkiyê Bulent Tufenkcî ragihand, sibê yan di çend rojên bên de derîyê sînorî yê Îbrahîm Xelîl dê ji bo çûnûhatine bê vekirin.

Wezîrê Bazirganî û Gumrikê yê Tirkiyê Bulent Tufenkcî serdana deriyê sînorî yê Îbrahîm Xelîl kir û piştî lêkolînan daxuyaniyek da.

Bulent Tufenkcî diyar kir dibe ku deriyê sînorî Îbrahîm Xelî yê di navbera Bakur û Başûrê Kurdistanê ku ji 14ê Berfanbarê ve girtî ye, ji bo çûnûhatinê vebe.

Tufenkcî amaje kir ku deriyê sînorî ji bo vekirina xendeq û danîna barîkatan hatibû girtin.

Wezîrê Bazirganî û Gumrikê yê Tirkiyê wiha got: “Di deriyê Xaburê de ji bo çûnûhatine ti pirsgirêk nebû, lê ji ber ewlehiyê hatibû girtin. Me îro li derî ligel hevalên biqimet lêkolîn kir. Heger ti pirs nemînin û pirsa ewlehiyê were çareserkirin emê hewl bidin derî ji bo çûnûhatine bê vekirin.”

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger