Hewlêr (Rûdaw) – Serokwezîrê Herêma Kurdistanê Nêçîrvan Barzanî bi peyamekê pîrozbahî li Koçer Bîrkar kir ku mezintirîn xelata cîhanî ya bîrkariyê (matematîk) wergirt.
Serokwezîr Nêçîrvan Barzanî di peyama xwe de ji Koçer Bîrkar re diyar kir ku "ev xelat û serkeftina we ya zanistî bûye mayeya kêfxweşî û şanaziyê ji bo gel û niştiman".
Peyama pîrozbahiyê ya Serokwezîrê Herêma Kurdistanê
Birêz Koçer Bîrkar
Ez ji ber vê serkeftina we ya mezin, we û malbata we pîroz dikim. Ev xelat û serkeftina we ya zanistî, bûye mayeya kêfxweşî û şanaziyê ji bo gel û niştiman.
We bi vê serkeftinê nimûneya xortê jîr û zanistkar ê serkeftî yê Kurd nîşanî cîhanê da, ku dikarin di asta zanayên mezin ên cîhanê de bin, di heman demê de xelata we ya zanistî dê bibe bawerbixwebûn û hander ji bo dahênana zêdetir a xortan di hemû waran de, bi taybetî jî di warê zanistî de.
Ez cardin we pîroz dikim, bi hêviya temenê dirêj û serkeftinên zêdetir.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse