Çand û Huner
Helbestkarê Kurd Çayan Okuduci li Stenbolê pirtûka xwe ya nû îmze kir / Wêne: Qesîm Etmanekî
Stenbol (Rûdaw) - Helbestkarê Kurd Çayan Okuduci, li Stenbolê pirtûka xwe ya nû ya helbestan ji bo xwînerên xwe îmze kir.
Bernameya lansman û îmzeyê ya pirtûka bi navê “Bêxweda” duh li navçeya Beyogluyê ya Stenbolê, li Pirtûkxaneya Medyayê hat lidarxistin.
Çayan Okuduci di destpêka bernameyê de spasiya beşdar û xwîneran kir û wiha got:
“Hûn hemû bi xêr û xweşî hatin. Li derve baran û bahoz heye lê hûn tevî vê jî dîsa hatin lansmana me. Ez spasiya we hemûyan dikim.”
Eleqe û beşdarî zêde bû
Lansman û îmzekirina pirtûka “Bêxweda” ya Okuduci bi qasî 2 saetan ajot û eleqe û beşdarî zêde bû.
Siyasetmedar û rewşenbîr Fuat Onen, akademisyen û nivîskar Serdar Şengul, nivîskar Murat Ozyaşar û Berken Doner, akademisyen û wergêrê Îrlandî Neil Doherty jî beşdarê bernameyê bûn.
Helbestkar Çayan Okuduci, di dawiya bernameyê de ji bo xwînerên xwe, helbesta xwe ya bi navê “Xwezî” xwend.
Yekem car e bi Kurdî çap dike
Pirtûka helbestan"Bêxweda", yekem pirtûka bi Kurdî ya Çayan Okuduci ye.
Pirtûka “Bêxweda” ji 22 helbest û 64 rûpelan pêk tê.
Okuduci, heta niha çend pirtûkên helbestan ên bi Tirkî nivîsandine.
Pirtûka “Bêxweda”, di Kanûna Peşîna 2023yan de ji Weşanxaneya Lîsê hat çapkirin û cara ewil di Pêşangeha Pirtûkan a Amedê de gihişt ber destê xwîneran.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse