Şaşiyek çêbû. Tika ye paşê dîsa hewl bide.
Hewlêr (Rûdaw) - Fîlma Derhenerê Kurd Yilmaz Ozdîl beşdarî 48 festîvalan bûye û di 7 festîvalan de jî hatiye xelatkirin. Kurtefîlma Aforoz derhêneriya wê Yilmaz Ozdîl kiriye.
Fîlma Afozor di festîvalên li Yunanistan, Swêd, Îspanya , Cezayîr, Îtalya û di Festîvala Fîlman a Duhokê de hatiye xelat kirin.
Yilmaz Ozdîl yek ji derhenerên Kurd e ku di van salên dawî de berhemên wî rastî elaqeyeke mezin tên. Ozdîl bi fîlma “Barê Giran” beşdarî gellek Festîvalan bibû û bi dehan xelat wergirtibûn. Yilmaz Ozdîl îsal jî bi fîlma xwe ya bi navê “ Aforoz” dîsa beşdarî festîvalan dibe.
Fîlma Afozor heta niha li Yunanistan, Swêd û di Festîvala Duhokê de weke fîlma herî baş hatiye xelatkirin. Fîlmê di heman demê de Li Îspanyayê xelata baştirîn lîstikvan, li Îtalyayê xelata baştîrin 2 xelatên mansîyon û li Cezayîrê jî xelata baştirîn derhêner wergirtiye.
Senaryoya fîlma Aforoz jî her dîsa ji aliyê Yilmaz Ozdîl ve hatiye nivîsin, Fîlm li Hîzan a Bedlîsê hatiye kişandin û behsa çîroka rêwîngiya Ziko û Lalo dike, Ziko weke kesekî nexweşiya derûnî pê re piştî ku tawanekê dike bi biryara gundiyan ji gund tê derxistin û dixwaze xwe bigihîne bajêr û di rê de jî Lalo dibîne û çîroka wan destpê dike.
Di fîlma Aforoz de ji Başurê Kurdistanê jî lîstikvanên weke Tariq Akreyî û Saman Mistefa jî cih digirin. Di derbarê fîlma Aforoz de Yilmaz
Ozdîl ji Rudawê re axivî û got: “Fîlma Aforoz bi keda zêde û bi ekîbeke
baş hatiye amadekirin, em heta niha beşdarî 48 festîvalan bûne û fîlma
me 7 caran jî hatiye xelatkirin, Aforoz bi taybetî di qada nawdewletî
de rastî elaqeyeke baş hat.”
Yilmaz Ozdîl
Sala 1979an li navçeya Gever a Colemerêgê ji dayîk bûye, mastera xwe ya sînemayê li Zanîngeha Panthéon Sorbonne temam kiriye û sala 2013an li Zanîngeha Sorbonne Nouvelle dercûyê doktorayê ye, li Zanîngeha Artuklu ya Mêrdînê mamosta ye. Aforoz duyem fîlma wî ye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse