Hewlêr (Rûdaw) - Hunergeha Welat strana xwe ya nû ya bi navê “Em Herin Gund" bi klîpekê nû belav kir.
Hunergeha Welat ya Rojavayê Kurdistanê ku gelek xebatên çand û muzîkê li dar dixe, klîpeke nû weşand.
Gotinên stranê yên hunermend Bawer Can Arî ne û Rona Egîd stranê dibêje.
Roder Dimilî jî derhêneriya klîpê kiriye.
Hunergeha Welat ji aliyê hunermendên Rojavayê Kurdistanê ve sala 2014an li Qamişloyê hatiye damezirandin.
Hunergeha Welat, stranên şoreşgerî, folklorî û neteweyî û çêdike û klîpan diweşîne.
Hunergeha Welat heta niha 275 stran tomar kirine û 49 klîp çêkirine.
Beşa zarokan a Hunergeh Welat jî heye û bi taybetî ji bo zarokan jî stranan amade dike û perwerdeya muzîkê dide zarokan.
Klîpên wekî, Serêkaniyê û Avaşîn, Xurfanî, Şervano, Nazê Nêrgiza Hewşê, Keziyên Tolê, Êmo, Edlayê, Jin Jiyan Azadî yên Hunergeha Welat gelekî naskirî ne.
Li hêla din, gotinên strana “Em Herin Gund” bi vî awayî ne:
Ez çûm gund mala kalo
Mam û metik û xalo
Ez çûm gund mala kalo
Mam û metik û xalo
Buhar bû gul û giya
Çûme nav berix û miya
Buhar bû gul û giya
Çûme nav berix û miya
Gel metê çûm bêriyê
Min jê re girt serê miyê
Gel metê çûm bêriyê
Min jê re girt serê miyê
Min vexwarî şîr û mast
Binê beroşê alast
Min vexwarî şîr û mast
Binê beroşê alast
Piştî kar, berx û pez
Me berî daye nav rez
Piştî kar, berx û pez
Me berî daye nav rez
Barê kerê min î reş
Alîk tirî yek zebeş
Barê kerê min î reş
Alîk tirî yek zebeş
Êvarî em hatin mala
Me da metik û xala
Êvarî em hatin mala
Me da metik û xala
Jiyana gunda xweş e
Mirov li wir rûgeş e
Jiyana gunda xweş e
Mirov li wir rûgeş e
Xweziya mala me li gund ba
Li cihekî bilind ba
Xweziya mala me li gund ba
Li cihekî bilind ba
Li wir bijiyama azad
Gelekî kêfxweş û dilşad
Li wir bijiyama azad
Gelekî kêfxweş û dilşad
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse