وێنە.. لافاو لە ئیسپانیا 95 کەس دەکوژێت

گالەری

وێنە.. لافاو لە ئیسپانیا 95 کەس دەکوژێت

31-10-2024

17 Photos

رووداو دیجیتاڵ @Rudawkurdish

رووداو دیجیتاڵ

تیمەکانی فریاگوزاری ئەم رۆژانە لە ناوچە جیاوازەکانی ئیسپانیا شەڕ لەگەڵ کاتدا دەکەن بۆ ئەوەی خەڵکی زۆرتر رزگار بکەن لەو زریانە کوشندەیەی وڵاتەکەی گرتووەتەوە و بەوهۆیەوە تاوەکو ئێستا 95 کەس گیانیان لەدەستداوە.

ئەوە کوشندەترین لافاوە لە 50 ساڵی رابردوودا کە رووی لەو وڵاتە ئەورووپییە کردبێت. قوڕ و لیتەی لافاو شەقامەکانی تەنیوە و هەزاران ئۆتۆمبێل تێکشکاون و زیانیان پێگەیشتووە.

سەرەتا بارانی بەهێز و دواتر بایەکی تووند لە سەرەتای هەفتەوە دەستیان پێکرد، دواتر زریانەکە چڕبووەوە و لە هەندێک ناوچە بەشی ساڵێک باران لە چەند کاژێرێکدا باریوە.

تاوەکو ئێستا تیمەکانی فریاگوزاری تەرمی 95 کەسیان دۆزیوەتەوە و باس لەوە دەکەن تەرمی دیکەش ماون کە بدۆزرێنەوە. تەلەڤزیۆنی فەرمیی وڵاتەکەش دەڵێت، خەڵکێکی زۆر بێسەروشوێنن.