تاوەکو ئێستا 23 هەزار کەس لە ئیسپانیا بە کۆرۆنا گیانیان لەدەستداوە
بەرپرسێکی ئیسپانی لەکاتی خوێندنەوەی ناوی هەندێک پزیشک کە بە کۆرۆنا گیانیان لەدەستداوە دەستی بە گریان کرد و نەیتوانی گوتەکەی تەواو بکات.
ڤێریۆنیکا کاسادۆ، بەڕێوەبەری تەندروستیی هەرێمی کاستییا لیۆن لە ئیسپانیا قسەی بۆ پەرلەمانتاران دەکرد، دوای خوێندنەوەی ناوی چەند پزیشكێک کە لە بەرەکانی پێشەوەی دژ بە کۆرۆنا جەنگاون گیانیان لەدەستداوە، دەستی بە گریان کرد و فرمێسک لە چاوەکانی نەوەستا.
پەرلەمانتارەکان دەستیان بە چەپڵەلێدان وەکو رێزلێنانێک لەوانەی کە لەکاتی ئەرکدا بە کۆرۆنا گیانیان لەدەستداوە.
ئەمڕۆ سێشەممە 28ی نیسانی 2020، مردن بە کۆرۆنا لە ئیسپانیا 23 هەزاری تێپەڕاندووە و وڵاتەکە 229 هەزار و 422 تووشبووی کۆرۆنای هەیە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ