رووداو دیجیتاڵ
ئەفسەرێکی پۆلیس لە شیکاگۆی ئەمریکا لە کاتی گەڕانەوەی بۆ ماڵەوە تەقەی لێکرا و کوژرا.
بەرپرسانی ئەمریکا دەڵێن، سەرقاڵی کۆکردنەوەی بەڵگە و زانیارین لەسەر ئەم رووداوە. بەڵام بەگوێرەی ئەوەی هەیە، ئەفسەرەکە هێشتا جلی دەوامی لەبەردابووە کە تەقەی لێکراوە.
ئەفسەرەکە تەمەنی 30 ساڵ بووە، شەش ساڵ خزمەتی پۆلیسی هەبووە، تەنیا چەند رۆژێکی مابوو ببێتە 31 ساڵ.
شەڕ و رووبەڕووبوونەوە لەنێوان ئەفسەرانی فیدڕاڵی و پۆلیس لەگەڵ و تاوانکاران لە ئەمریکا زۆربەی کات خوێناوییە، لە 2023دا 136 ئەفسەری پۆلیس لەکاتی دەوامی فەرمی کوژراون، بەڵام هێشتا ئەمە 40٪ کەمترە بەراورد بە 2022 کە ئەوساڵ 224 ئەفسەری پۆلیس کوژران.
هەر لە 2023دا 47 ئەفسەری پۆلیس کوژران، ئەمەشیان 25٪ کەمترە بەاورد بە 2022.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ