رووداو- ستۆكهۆڵم
رەنگە مایەی سەرسامی بێت ناوی ژنە پارێزەرێكی كورد لەنێو پەرتووكی 16 ژنە ناودارەكەی سوێددا بێت كە هەفتەی رابردوو بڵاوكرایەوە، چونكە سەرەڕای دژایەتیكردنی لەلایەن هەندێ لە سوێدییەكانەوە، ئەو كۆڵی نەدا و خوێندنی تەواوكرد. ئەو ژنە پەنابەرە كوردە ئێستا لە گرانبەهاترین شوێنی ستۆكهۆڵم ئۆفیسێكی پارێزەرایەتی پڕ كاری هەیە.
لە رۆژی 8ی مارسدا لە سوێد كتێبی "Sverige- En (o)besvarad kärlekshistoria" واتە "سوێد.. چیرۆكی خۆشەویستییەكی پاداشتنەكراو" بڵاوكرایەوە كە باس لە ئەزموونی 16 ژنی تاراوگەنشینی سوێد دەكات.
لەنێو ئەو پەرتووكەدا چیرۆكی سەركەوتنی سێ ژنی كورد هەیە كە بریتین لە: ئەڤین خەفاف، سەرمایەدار و سیاسەتكاری پارتی مۆدیرات و لەدایكبووی شاری سلێمانی. بێریڤان ئۆنگرور چالاكڤان و سیاسەتكار و بەربژێری پێشووی پەرلەمانی ئەوروپا و سكرتێری دامەزراوەی (TCO)، لەدایكبووی مێردین. نادیە حاتەم، لەدایكبووی مۆسكۆ، بەڵام لە دایك و باوكێكی كورد كە زۆربەی ژیانیان لە پێشمەرگایەتی و لە چیاكانی كوردستان بەسەر بردووە.
رۆس لیشا، نووسەر و چالاكڤان لە بواری ژنان پێیوایە بوونی ناوی سێ ژنی كورد لەو پەرتووكەدا بەهێزیی پێگەی ژنانی كوردی تاراوگەنشین نیشان دەدات. دەشڵێت "سوێد ئەو زەمینە رەخساوەیە كە ژنان دەتوانن پێگەی خۆیانی تێدا بەهێز بكەن".
بێریڤان ئۆنگرور، لە پەرتووكەكەدا سەرەتای وشەكانی لە بەشی خۆیدا بە (سوپاس سوێد، سوپاس، سوپاس) دەست پێدەكات. بێریڤان خۆی بە بەشێك لە ئەزموونی سەركەوتووی سوێدی دەزانێت و دەڵێت "بە ناسنامەیەكی كوردییەوە لە كۆمەڵگەی سوێدیدام". ئەو ژنە كوردە لە كۆمیتەی ئیكۆنۆمی/ سۆسیال وەك نوێنەری سوێد لە یەكێتی ئەوروپا كار دەكات و لەلایەن ئەو دەوڵەتەوە هەڵبژێردراوە بۆ ئەو بەرپرسیارێتییە، بۆیە رەخنە لە سیاسەتی ئابووری بەرامبەر ژنان دەگرێت و پێیوایە هاوتا نییە و هەلی یەكسان ناڕەخسێنێ.
ئەوەی شایستە بوو بەبێ هیچ سێ و دوویەك ناوی لە پەرتووكەكەدا هەبێت، نادیە حاتەم بوو، چونكە وەرگرتنی ئەو لە كۆلێژی یاسا لە زانكۆی ئۆپسالا زۆرترین دەنگدانەوەی هەبوو، كاتێك لەنێو 300 كەس لەسەر ئاستی سوێد تەنیا ئەو بە شایستە زانرا بۆئەوەی وەربگیرێ، بەڵام قوتابیانی سوێد لە دژی ئەو رژانە سەر شەقام. نادیە دەڵێت "بەڵام من كۆڵم نەدا".
لە راپۆرتی رادیۆی سوێد و ئاژانسی (TT)دا هاتووە "نادیە ئێستا ئۆفیسێكی گەورەی هەیە، كە پێكهاتەكانی گرانبەها و كۆنن و چەندین فەرمانبەری لەژێر دەستە و رۆژانە خەڵكێكی زۆر بەڕێدەكات". ئۆفیسەكەی نادیە، لە گەڕەكی گاملیستان (شاری كۆن)ی ناوجەرگەی ستۆكهۆڵمی پایتەختە.
نێڤین یوسف لەدایكبووی سووریا كە خاوەنی بیرۆكەی كتێبەكەیە، دەڵێت "بیرۆكەی ئەم كتێبە لە تێڕوانینە نێگەتیڤەكەی كۆمەڵگەی سوێدییەوە بۆ ژنانی بیانی سەرچاوەی گرتووە". گوتیشی "لەنێو ژنانی بیانیدا خەڵكی سەركەوتوو هەن و مەبەستمان بوو ئەوە نیشانی كۆمەڵگەی ئەوروپی بدەین".
وا پێشبینی دەكرێ كە پەرتووكەكە یەكێك بێت لە پەرتووكە پڕفرۆشەكانی ئەمساڵ. لیشا دەڵێت "پەرتووكەكە دۆكیۆمێنتێكی مێژوویی و تۆماری كەسایەتییە بەهێزەكانی ئەم سەردەمەی سوێدە. هەر بڵاوبوونەوەی پەرتووكەكە بۆ خۆی كارێكی گرنگ بوو".
سێ ژنی كورد لەنێو 100 ژنی سوێد
زۆر لە ناوەندە میدیایی و رۆشنبیرییەكان، لە سەرەتا یان ناوەڕاستی ساڵەوە كار لەسەر دەستنیشانكردنی كەسایەتییەكانی ساڵ دەكەن و دواتر ئەنجامەكەی بڵاودەكەنەوە.
رۆژنامەی (expressen) كە یەكێكە لە رۆژنامە كۆن و پڕفرۆشەكانی سوێد و دامەزراوەیەكی كاریگەرە، دوای پرۆسەی كۆكردنەوەی دەنگەكان، ماوەكانی رابردوو 100 ژنی ساڵی راگەیاند كە لەنێویاندا سێ ئافرەتی كورد هەبوون، ئەوانیش: زڵێخا داغلی، 60 ساڵان، چالاكڤانی ژنان و لەدایكبووی باكووری كوردستان كە لە ریزبەندی 18هەمینی لیستەكەدا بوو، سارا محەممەد، 48 ساڵ، چالاكڤانی مافەكانی مرۆڤ و لەدایكبووی هەرێمی كوردستان كە لە ریزبەندی 26 و هەروەها ئامینە كاكەباوە، 45 ساڵ، ئەندامی پارلەمانی سوێد و لەدایكبووی رۆژهەڵاتی كوردستان كە لە ریزبەندی 32ی لیستەكەدا بوو.
لە لیستەكەی رۆژنامەی (expressen)دا ناوی ئەو سێ ژنە كوردە لە ریزی ناوی سێ وەزیر و هەردوو سكرتێری ئێستا و پێشووی پارتی مۆدیرات و سۆسیال دیموكراتدا هاتبوو. لە لیستەكەدا ناوی ئێلیسا ڤیكاندەر، وەرگری خەڵاتی ئۆسكاری 2016 لە پلەی دووەم و شازادە سۆفیا لە پلەی پێنجەم و چەندین ژنی دیكەی كاریگەر لەسەر سیاسەت و كۆمەڵگەی سوێدی هەبوون.
نووسەرێكی سوێدی رەخنە لە كۆمەڵگەی سوێدی دەگرێت و پێیاندەڵێت "ئەوە ئێوەن ئاگاتان لە پەنابەر نییە كە ئابووریی وڵاتەكەتان بونیاد دەنێن".
ئاندرێش یۆنسۆن، لە دوایین پەرتووكیدا بەنێوی "پەنابەران، ئەوانەی سوێدیان بونیادنا" باس لە گرنگی و رۆڵی پڕبایەخی پەنابەران دەكات و دامەزراندنی چەندین گەورە كۆمپانیا لەلایەن پەنابەرانەوە بە نموونە دێنێتەوە كە رۆڵیان لە پێشخستن و گەشەسەندنی ئابووریی سوێددا هەبووە.
یۆنسۆن لە كتێبەكەیدا لە سێ روانگەوە باس لە گرنگی و رۆڵی پڕ بایەخی پەنابەران دەكات و دەڵێت "لەڕوانگەی كولتووری و توێژینەوە و داهێنانی زۆرەوە كە ئێمە نەمانبوو، ئەوان ئابووری و پرۆسەی گەشەسەندنی سوێدیان پێشخست".
رەنگە مایەی سەرسامی بێت ناوی ژنە پارێزەرێكی كورد لەنێو پەرتووكی 16 ژنە ناودارەكەی سوێددا بێت كە هەفتەی رابردوو بڵاوكرایەوە، چونكە سەرەڕای دژایەتیكردنی لەلایەن هەندێ لە سوێدییەكانەوە، ئەو كۆڵی نەدا و خوێندنی تەواوكرد. ئەو ژنە پەنابەرە كوردە ئێستا لە گرانبەهاترین شوێنی ستۆكهۆڵم ئۆفیسێكی پارێزەرایەتی پڕ كاری هەیە.
لە رۆژی 8ی مارسدا لە سوێد كتێبی "Sverige- En (o)besvarad kärlekshistoria" واتە "سوێد.. چیرۆكی خۆشەویستییەكی پاداشتنەكراو" بڵاوكرایەوە كە باس لە ئەزموونی 16 ژنی تاراوگەنشینی سوێد دەكات.
لەنێو ئەو پەرتووكەدا چیرۆكی سەركەوتنی سێ ژنی كورد هەیە كە بریتین لە: ئەڤین خەفاف، سەرمایەدار و سیاسەتكاری پارتی مۆدیرات و لەدایكبووی شاری سلێمانی. بێریڤان ئۆنگرور چالاكڤان و سیاسەتكار و بەربژێری پێشووی پەرلەمانی ئەوروپا و سكرتێری دامەزراوەی (TCO)، لەدایكبووی مێردین. نادیە حاتەم، لەدایكبووی مۆسكۆ، بەڵام لە دایك و باوكێكی كورد كە زۆربەی ژیانیان لە پێشمەرگایەتی و لە چیاكانی كوردستان بەسەر بردووە.
رۆس لیشا، نووسەر و چالاكڤان لە بواری ژنان پێیوایە بوونی ناوی سێ ژنی كورد لەو پەرتووكەدا بەهێزیی پێگەی ژنانی كوردی تاراوگەنشین نیشان دەدات. دەشڵێت "سوێد ئەو زەمینە رەخساوەیە كە ژنان دەتوانن پێگەی خۆیانی تێدا بەهێز بكەن".
بێریڤان ئۆنگرور، لە پەرتووكەكەدا سەرەتای وشەكانی لە بەشی خۆیدا بە (سوپاس سوێد، سوپاس، سوپاس) دەست پێدەكات. بێریڤان خۆی بە بەشێك لە ئەزموونی سەركەوتووی سوێدی دەزانێت و دەڵێت "بە ناسنامەیەكی كوردییەوە لە كۆمەڵگەی سوێدیدام". ئەو ژنە كوردە لە كۆمیتەی ئیكۆنۆمی/ سۆسیال وەك نوێنەری سوێد لە یەكێتی ئەوروپا كار دەكات و لەلایەن ئەو دەوڵەتەوە هەڵبژێردراوە بۆ ئەو بەرپرسیارێتییە، بۆیە رەخنە لە سیاسەتی ئابووری بەرامبەر ژنان دەگرێت و پێیوایە هاوتا نییە و هەلی یەكسان ناڕەخسێنێ.
ئەوەی شایستە بوو بەبێ هیچ سێ و دوویەك ناوی لە پەرتووكەكەدا هەبێت، نادیە حاتەم بوو، چونكە وەرگرتنی ئەو لە كۆلێژی یاسا لە زانكۆی ئۆپسالا زۆرترین دەنگدانەوەی هەبوو، كاتێك لەنێو 300 كەس لەسەر ئاستی سوێد تەنیا ئەو بە شایستە زانرا بۆئەوەی وەربگیرێ، بەڵام قوتابیانی سوێد لە دژی ئەو رژانە سەر شەقام. نادیە دەڵێت "بەڵام من كۆڵم نەدا".
لە راپۆرتی رادیۆی سوێد و ئاژانسی (TT)دا هاتووە "نادیە ئێستا ئۆفیسێكی گەورەی هەیە، كە پێكهاتەكانی گرانبەها و كۆنن و چەندین فەرمانبەری لەژێر دەستە و رۆژانە خەڵكێكی زۆر بەڕێدەكات". ئۆفیسەكەی نادیە، لە گەڕەكی گاملیستان (شاری كۆن)ی ناوجەرگەی ستۆكهۆڵمی پایتەختە.
نێڤین یوسف لەدایكبووی سووریا كە خاوەنی بیرۆكەی كتێبەكەیە، دەڵێت "بیرۆكەی ئەم كتێبە لە تێڕوانینە نێگەتیڤەكەی كۆمەڵگەی سوێدییەوە بۆ ژنانی بیانی سەرچاوەی گرتووە". گوتیشی "لەنێو ژنانی بیانیدا خەڵكی سەركەوتوو هەن و مەبەستمان بوو ئەوە نیشانی كۆمەڵگەی ئەوروپی بدەین".
وا پێشبینی دەكرێ كە پەرتووكەكە یەكێك بێت لە پەرتووكە پڕفرۆشەكانی ئەمساڵ. لیشا دەڵێت "پەرتووكەكە دۆكیۆمێنتێكی مێژوویی و تۆماری كەسایەتییە بەهێزەكانی ئەم سەردەمەی سوێدە. هەر بڵاوبوونەوەی پەرتووكەكە بۆ خۆی كارێكی گرنگ بوو".
سێ ژنی كورد لەنێو 100 ژنی سوێد
زۆر لە ناوەندە میدیایی و رۆشنبیرییەكان، لە سەرەتا یان ناوەڕاستی ساڵەوە كار لەسەر دەستنیشانكردنی كەسایەتییەكانی ساڵ دەكەن و دواتر ئەنجامەكەی بڵاودەكەنەوە.
رۆژنامەی (expressen) كە یەكێكە لە رۆژنامە كۆن و پڕفرۆشەكانی سوێد و دامەزراوەیەكی كاریگەرە، دوای پرۆسەی كۆكردنەوەی دەنگەكان، ماوەكانی رابردوو 100 ژنی ساڵی راگەیاند كە لەنێویاندا سێ ئافرەتی كورد هەبوون، ئەوانیش: زڵێخا داغلی، 60 ساڵان، چالاكڤانی ژنان و لەدایكبووی باكووری كوردستان كە لە ریزبەندی 18هەمینی لیستەكەدا بوو، سارا محەممەد، 48 ساڵ، چالاكڤانی مافەكانی مرۆڤ و لەدایكبووی هەرێمی كوردستان كە لە ریزبەندی 26 و هەروەها ئامینە كاكەباوە، 45 ساڵ، ئەندامی پارلەمانی سوێد و لەدایكبووی رۆژهەڵاتی كوردستان كە لە ریزبەندی 32ی لیستەكەدا بوو.
لە لیستەكەی رۆژنامەی (expressen)دا ناوی ئەو سێ ژنە كوردە لە ریزی ناوی سێ وەزیر و هەردوو سكرتێری ئێستا و پێشووی پارتی مۆدیرات و سۆسیال دیموكراتدا هاتبوو. لە لیستەكەدا ناوی ئێلیسا ڤیكاندەر، وەرگری خەڵاتی ئۆسكاری 2016 لە پلەی دووەم و شازادە سۆفیا لە پلەی پێنجەم و چەندین ژنی دیكەی كاریگەر لەسەر سیاسەت و كۆمەڵگەی سوێدی هەبوون.
نووسەرێكی سوێدی رەخنە لە كۆمەڵگەی سوێدی دەگرێت و پێیاندەڵێت "ئەوە ئێوەن ئاگاتان لە پەنابەر نییە كە ئابووریی وڵاتەكەتان بونیاد دەنێن".
ئاندرێش یۆنسۆن، لە دوایین پەرتووكیدا بەنێوی "پەنابەران، ئەوانەی سوێدیان بونیادنا" باس لە گرنگی و رۆڵی پڕبایەخی پەنابەران دەكات و دامەزراندنی چەندین گەورە كۆمپانیا لەلایەن پەنابەرانەوە بە نموونە دێنێتەوە كە رۆڵیان لە پێشخستن و گەشەسەندنی ئابووریی سوێددا هەبووە.
یۆنسۆن لە كتێبەكەیدا لە سێ روانگەوە باس لە گرنگی و رۆڵی پڕ بایەخی پەنابەران دەكات و دەڵێت "لەڕوانگەی كولتووری و توێژینەوە و داهێنانی زۆرەوە كە ئێمە نەمانبوو، ئەوان ئابووری و پرۆسەی گەشەسەندنی سوێدیان پێشخست".
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ