کایران چەند رۆژێکی دیکە بڕوانامەی زانکۆ لە زانستی کۆمپیوتەر بەدەستدەهێنێت
رووداو دیجیتاڵ
هاووڵاتییەکی تەمەن 14 ساڵی ئەمریکی دەبێتە بچووکترین کارمەندی کۆمپانیای سپەیس ئێکسی تایبەت بە بۆشایی ئاسمانی کە ئیلۆن مەسک خاوەنییەتی.
کایران کوازی لە شاری رێدمۆند لە ویلایەتی واشنتن وەک ئەندازیاری سۆفتوێر دەستبەکار دەبێت، ئەو لە 17ـی حوزەیرانی ئەمساڵ، دەبێتە بچوکترین خوێندکار کە لە زانکۆی سانتا کلارا بڕوانامەی دەرچوونی لە زانستی کۆمپیوتەر پێ دەبەخشرێت.
بڕیارە لە 31ـی تەممووزی ئەمساڵ، کایران بچێتە واشنتن و لە نووسینگەی ستارلینکی کۆمپانیای سپەیس ئێکس کە تایبەتە بە مانگی دەستکرد، دەست بە کارە نوێیەکەی بکات.
گەیشتنی بەو ئاستە و لە تەمەنی تەنیا 14 ساڵی، تەنیا بەهرە و زیرەکیی کایران نییە، چونکە ئەو لە تەمەنی 10 ساڵییەوە هەلی بۆ رەخسێنراوە و بۆ خولی هاوینە، لەلایەن کۆمپانیای ئینتلەوە وەرگیراوە.
کایران سوپاسی بەرپرسانی کۆمپانیا و دامەزراوە پەروەردەییەکان دەکات، کە تەمەنی ئەویان لەبەرچاو نەگرتووە و لەبری ئەوە، سەیری بەهرەکانیان کردووە، هەروەها دەڵێت، دەیەوێت بە خزمەت و پیشەکەی پاداشتی ئەو چاکەیان بداتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ