زریانێکی بەهێز لە ڤێتنام؛ دەیان بەلەم نوقمی ئاو...

گالەری

زریانێکی بەهێز لە ڤێتنام؛ دەیان بەلەم نوقمی ئاو بوون و زیان بە هەزاران ماڵ گەیشتووە

09-09-2024

16 Photos

رووداو دیجیتاڵ @Rudawkurdish

رووداو دیجیتاڵ

زریانی یاگی لە ڤێتنام هەڵیکردووە و بەهۆیەوە جگە لە زیانی زۆری ماددی، تا ئێستا زیاتر لە 59 کەسی کوشتووە و زیاتر لە 200 کەسیش بریندار بوون.

بەپێی میدیای فەرمیی ئەو وڵاتە زریانەکە وێرانکارییەکی زۆری لێکەوتووەتەوە و سەقفی چەندین ماڵ و باڵەخانەی لێکردووەتەوە و چەندین بەلەم نقووم بوون و لە هەندێک شوێنیش زەوی رۆچووە و شەقبووە.

تا ئێستا گیانلەدەستدانی 21 کەس و برینداربوونی 229 کەسی تر لە ڤێتنام بەهۆی زریانەکەوە بە فەرمی راگەیێندراوە؛ لەنێو ئەوانەی گیانیان لەدەستداوە خێزانێکی چوار کەسی هەیە کە بەهۆی بارانی بەلێزمەوە گردێک لەپشت ماڵەکەیان هەرەسی هێناوە و کەوتووە بەسەر ماڵەکەیاندا.

ئاژانسی بەڕێوەبردن و مامەڵەکردن لەگەڵ کارەساتەکان کە سەر بە وەزارەتی بەرگریی ڤێتنامە دەڵێت، لە هەینییەوە زریانەکە دەستیپێکردوە و بەشێک لەوانەی کە گیانیان لەدەستداوە، درەخت بەسەریاندا کەوتووە و هەندێکی دیکەش لەنێو ئاوەکاندا بەلەمی بچووکیان پێبووە و بەلەمەکەیان نقووم بووە و خنکاون.

لە هەندێک شوێنی شاری های فۆنگ کە شارەکە بەندەرێکی لەسەرە، لافاو بە بەرزیی نیو مەتر بەرزبووەتەوە و کارەبا پچڕاوە. شوێنەواری (ئات ها لۆنگ بەی) کە لە لیستی شوێنەوارە جیهانیەکانی یونسکۆیە و لە دووریی 70 کیلۆمەترە لەو شارەوە زیانی بەرکەوتووە.

بەپێی وەزارەتی بەرگریی وڵاتەکە، بەهۆی زریانەکەوە 30 بەلەمی مامناوەند لە کەناراوێکی پارێزگای (کوانگ نینهـ) بەهۆی رەشەبا و شەپۆلی بەهێزەوە نقووم بوون.

بەگوێرەی ئامارە سەرەتاییەکان، زریانەکە زیانی بە نزیکەی 3300 ماڵ و زیاتر لە 120 هەزار هێکتار زەویی کشتوکاڵیی داچێنراو بە دانەوێڵە لە باکووری وڵاتەکە گەیاندووە.