لەسەر لافاوەکەی مانگی رابردوو، کیم جۆنگ ئوون 30 بەرپرس لەسێدارە دەدات

 

بەگوێرەی بەدواداچوونی میدیای فەرمیی کۆریای باشوور، کیم جۆنگ ئوون، 20 تاوەکو 30 کەسی لەسەر خراپ ئیدارەدان و مامەڵەکردن لەکاتی لافاوەکەی پارێزگەی چاگانگ لەسێدارە داوە.

 

کیم جۆنگ ئوون ئەو بەرپرسانەی بە کەمتەرخەم لە رێگریکردن لە دروستبوونی لافاو زانیوە.

 

کۆتایی مانگی ئاب لێزمەباران رووباری یالووی لە پارێزگەی چاگانگ لە کۆریای باکوور سەرڕێژ کرد و بەگوێرەی میدیای فەرمیی کۆریای باکوور، لە هەریەک لە ناوچەکانی سینوجو لەگەڵ ئوویجوو، لافاو زیانی بە 4000 ماڵ گەیاندووە.

 

 

لەدوای لافاوەکە، کیم جۆنگ ئوون راستەوخۆ سکرتێری حیزبەکەی لە هەرێمی چاگانگ لە کارەکەی دوورخستووەتەوە، نزیکەی 30 کەسیشی لەسێدارەداوە.

 

هەفتەی رابردوو کیم جۆنگ ئوون خۆی بە بەلەمێک بەنێو لافاودا رۆیشت و ناوچە زیانبەرکەوتووەکانی بەسەرکردەوە، سەردانی خێزانە زەرەرمەندبووەکانی کرد و بڕیاریشیدا 15400 کەس لە پیۆنگیانگی پایتەخت جێ بکاتەوە و سەرجەم پێویستییە سەرەتاییەکانی ژیانیان بۆ دابین بکات.