جیهان
دیمەنێکی کاتی پێشوییەکان لە شارۆچکەی بۆنۆی سور مارن کە تێیدا بنکەی پۆلیسی شارۆچکەکە سووتێنرا، وێنە: کارزان حەمید - رووداو
prev
next
رووداو دیجیتاڵ
هەوڵەکانی حکومەتی فەرەنسا بە مەبەستی گێڕانەوەی ئارامی و ئاسایش بۆ شارەکانی، بەردەوامە و لەو چوارچێوەیەشدا شەوی رابردوو 719 کەسی دەستگیرکردووە.
وەزارەتی ناوخۆی فەرەنسا ئەمڕۆ (یەکشەممە، 2-7-2023) بڵاویکردەوە، لە شەوی پێنجەمی خۆپێشاندانەکاندا 719 کەسیان دەستگیرکردووە.
وەزارەتی ناوخۆی فەرەنسا باس لەوە دەکات بەهۆی ئەوەی 45 هەزار پۆلیس و ئەندامی هێزی ئەمنی و فریاکەوتن لە سەرانسەری وڵات بڵاوەیان پێکراوە، شەوی رابردوو بەراورد بە شەوەکانی پێشوو، ئارامتر بوو. ئاشکراشی دەکات هێزە ئەمنییەکان 719 کەسیان دەستبەسەر کردووە و لە رووبەڕووبوونەوەکانیشدا 45 پۆلیس و ئەندامی هێزە ئەمنییەکان بریندار بوون.
دەستگیرکردنی ئەو کەسانە لەکاتێکدایە شەوی پێشتر 1300 کەس لە سەرانسەری فەرەنسا بەهۆی پشێوییەکانەوە دەستگیرکرابوون.
پشێوییەکان رۆژی سێشەممە 27-6-2023 دەستیان پێکرد، ئەوەش دوای ئەوەی پۆلیس تەقەی لە هاووڵاتییەکی تەمەن 17 ساڵی بە رەچەڵەک جەزائیری لە شاری نانتێر کرد و بەو هۆیەوە گیانی لەدەستدا.
هەرزوو خۆپێشاندان شارە گەورەکانی فەرەنسای گرتەوە و حکومەتیش دەیان هەزار پۆلیسی لە شارە گەورەکان بڵاوەپێکردووە بە مەبەستی کۆنترۆڵکردنی دۆخەکە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ