رووداو دیجیتاڵ
یانەی ناپۆلی سەرکەوتنێکی زەحمەت و گرنگی بەدەستهێنا و شوێنپێی خۆی لە پێشەنگی ریزبەندیی سێریا ئەیدا قاییمترکرد.
ناپۆلی لە گەڕی 20ـی سێریا ئەیدا، لەسەر یاریگەی دیێگۆ مارادۆنا میوانداری رۆمای کرد و بە ئەنجامی 2-1 لێیبردەوە.
یانەی خاوەن ماڵ لە خولەکی 17 لە رێگەی ڤیکتۆر ئۆسیمینی گۆڵکارییەوە بووە خاوەنی گۆڵی پێشکەوتن.
لە نیوەی دووەمدا تیپەکەی جۆزێ مۆرینیۆ هەوڵیدا گۆڵی یەکسانبوون تۆماربکات و لە خولەکی 75ـدا، ستیڤان شەعراوی توانی ئەوە بکات و ئەنجامەکە بووە یەک بە یەک.
لە کاتێکدا کە یارییەکە بەرەوە کۆتایی دەڕۆیشت، جیۆڤانی سیمیۆنی 4 خولەک بەر لە کۆتاییهاتنی کاتی یاسایی یارییەکە، گۆڵی دووەم و سەرکەوتنی بۆ ناپۆلی تۆمارکرد و 3 خاڵە گرنگەکەی یارییەکەی کردە بەشی خۆی و هاوڕێکانی.
بەم سەرکەوتنە ناپۆلی بە 53 خاڵ شوێنپێی لە پێشەنگی سێریا ئەیدا قاییمترکرد و جیاوازی خاڵەکانی لەگەڵ ئینتەرمیلانی دووەم گەیاندە 13 خاڵ، لە کاتێکدا رۆما بە 37 خاڵ لە پلەی شەشەمی ریزبەندیی مایەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ