رووداو دیجیتاڵ
ئەستێرەیەکی یانەی بارسێلۆنا تووشی پێکانێکی قورس بوو و ئەم وەرزە بۆی کۆتایی هات.
لە قۆناخی چارەکی کۆتایی جامی سوپەری ئیسپانیا، یانەی بارسێلۆنا بووە میوانی ئاتلێتیک بلباو و یارییەکەی بە ئەنجامی 4-2 پێدۆڕاند.
لە خولەکی 23ـی یارییەکە، ئالیخاندرۆ باڵدێ، یاریزانی ئیسپانی و ئەستێرەی یانەی بارسێلۆنا تووشی پێکانێکی قورس دەبێت و ناتوانێت یارییەکە تەواو بکات. ئەمڕۆ یانەی بارسێلۆنا رایگەیاند کە دوای پشکنینەکان بۆیان دەرکەوتووە کە پێکانەکەی باڵدێ لە رانی راستیدایە و لە رۆژانی داهاتوودا نەشتەرگەری بۆ دەکرێت، بەوهۆیەشەوە ئەم وەرزە بۆ یاریزانەکە کۆتایی دێت.
پێکانەکەی ئەستێرە ئیسپانییەکە لە کاتێکدایە کە یانەی بارسێلۆنا بە بارودۆخێکی خراپدا تێپەڕدەبێت، یانە کەتەلۆنییەکە لە ماوەی 10 رۆژدا لە جامی سوپەر و جامی شای ئیسپانیا کرایە دەرەوە و لە لالیگاشدا لە پلەی سێیەم دێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ