رووداو - هەولێر
بەشێوەیەکی فەرمی یانەی بایرن میونشنی ئەڵمانی یەکەم گرێبەستی گواستنەوەی زستانەی راگەیاند و گرێبەستی لەگەڵ ساندرۆ ڤاگنەر، هێرشبەری یانەی هۆڤێنهایم واژۆکرد.
یانەکە لەسەر ماڵپەری فەرمی خۆی گواستنەوەی یاریزانەکەی تاوەکو 2022 بەرامبەر 10.6 ملیۆن یۆرۆ بۆ ریزەکانی راگەیاند و یاریزانەکەشی بەدرێسی ژمارە 2ی یانەکە وەک یاریزانی نوێی یانەکە بەمیدیاکان ناساند.
"Ich hoffe, dass sie mir Glück bringt!" Darum trägt #SandroWagner die Rückennummer 2️⃣. 🎥 #FCBayernTVNews #ServusSandro #MiaSanMia #FCBayern pic.twitter.com/IVqP5310WA
— FC Bayern München (@FCBayern) December 21, 2017
ڤاگنەری 30 ساڵ پێشتر لە یانەی بایرن میونشن یارییکردووە و لە ساڵی 2016 لە یانەی هۆڤێنهایم لە 40 یارییدا 15 گۆڵی بۆ یانەکە تۆمارکرد.
دوای گەڕانەوەشی بۆ ریزەکانی بایرن میونشن ئەو هێرشبەرە لەلێدوانێکدا گوتی، زۆر دڵخۆشم، دوای کاروانێکی دوور و درێژ گەڕامەوە ماڵەکەم و یانەکەم.
یاریزانەکە لەچەند رۆژی داهاتوودا لەگەڵ یانەی بایرن میونشن بۆ ئەنجامدانی کەمپێکی مەشق و راهێنان لەگەڵ یانەکە دەچێتە قەتەر.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ