ئەمڕۆ دێربیی لەندەن ئەنجامدەدرێت

رووداو – هەولێر

ئەمڕۆ بە ئەنجامدانی حەوت یاریی گەڕی شەشەمی یارییەکانی خولی ئینگلیزی دەستپێدەکات و گرنگترین یارییش دێربیی لەندەنە.

لە  گرنگترین یارییەکان و لە یاریی لوتکەدا، یانەی چێڵسی لە یاریگەی ستامفۆرد بریچ میوانداریی یانەی ئارسیناڵ دەکات لە یاریی دێربیی لەندەندا.

چێڵسی دەیەوێ بە پاڵپشتی یاریگە و هاندەرانی سەرکەوتن بەدەستبێنێت و بردنەوەکە بکاتە سەرەتایەکی نوێ بۆ سەرکەوتنەکانی لە خولەکەدا و شکستەکانی یارییەکانی رابردوو بسڕێتەوە، لەبەرامبەردا ئارسیناڵێس هەوڵ دەدات لە ئەنجامە باشەکانی بەردەوام بێت و رکابەری لەسەر پلەکانی پێشەوەی خولەکە بکات.

یارییەكە كاژێر 14:45 بە كاتی هەولێر ئەنجامدەدرێت.

لە یارییەکی دیکەدا، مانچێستەر سیتی پێشەنگی ئێستای خولەکە لە نێو یاریگە و هاندەرانی خۆیدا رووبەڕووی یانەی وێستهام دەبێتەوە و دەیەوێ سێ خاڵی دیکە بەدەستبێنێت و حەوتەم بردنەوەی لەسەریەک تۆمار بکات و  پێگەی خۆی لە پێشەنگی خولەکە بەهێزتر بکات.

ئەم یارییەش كاژێر 19:30 دەكرێت.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger