هەڵەیەک روویدا! دووبارە هەوڵبدە
رووداو – هه‌ولێر
رۆژنامه‌ی ماركای ئیسپانیا بڵاویكرده‌وه، فلۆرێنتینۆ پێرێز جارێكی دیكه ده‌بێته‌وه سه‌رۆكی یانه‌ی ریال مه‌دریدی ئیسپانی و تاوه‌كو 2021 له پۆسته‌كه‌یدا به‌بێ ركابه‌ر ده‌مێنێته‌وه.
رۆژنامه‌كه روونیكردووه‌ته‌وه، له‌وه‌ته‌ی 9ی ئه‌م مانگه‌وه ده‌رگه‌ی بۆ به‌ربژێرانی سه‌رۆكایه‌تی یانه‌كه كراوه‌ته‌وه و شه‌وی رابردوو داخرا، جگه له پێرێز، كه‌سی دیكه خۆی به‌ربژێر نه‌كردووه و ئه‌مه‌ش واده‌كات به شێوه‌یه‌كی ئۆتۆماتیكی هه‌ر له پۆستی سه‌رۆكی یانه‌كه‌دا بمێنێته‌وه.
فلۆرێنتینۆ پێرێز جاری یه‌كه‌م له ساڵی 2000دا بووه سه‌رۆكی یانه‌ی ریال مه‌درید و تاوه‌كو 2006 به‌رده‌وامبوو، دواتر له 2009 جارێكی دیكه گه‌ڕایه‌وه سه‌رۆكایه‌تی یانه‌كه و له هه‌ردوو ماوه‌ی سه‌رۆكایه‌تی یانه‌كه‌شدا تاوه‌كو ئێستا، یانه‌كه 18 نازناوی به‌ده‌ستهێناوه، له‌وانه‌ش 4 جار نازناوی خولی ئیسپانیا و 4 جاریش نازناوی چامپیۆنزلیگی ئه‌وروپا.
ماركا، كه له كارگێڕیی یانه‌كه‌وه نزیكه، نووسیویه‌تی، پێرێز له ویلایه‌تی نوێی سه‌رۆكایه‌تیدا، ئه‌ركی قورسی له به‌رده‌مه، له‌وانه‌ش چاره‌كردنی كێشه‌ی كریستیانۆ رۆناڵدۆ، كه په‌یوه‌سته به تۆمه‌تی خۆدزینه‌وه له باج و هه‌روه‌ها هێنانی یاریزانێكی نوێی سوپه‌ر بۆ یانه‌كه‌ی، كه ره‌نگه كلیان مباپێی هێرشبه‌ری مۆناكۆ بێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ