رووداو – هەولێر
یانەی گالاتەسرای لە دوایین گەڕی خولی تورکیادا بردنەوەی بەدەستهێنا و نازناوی خولەکەی لە بەرژەوەندی خۆیدا یەکلاییکردەوە.
گاڵاتەسرای لە دەرەوەی یاریگای خۆیدا بووە میوانی یانەی گۆزتێپە و یارییەکەی بە تاکە گۆڵێكی بافیتێمبی گۆمێس بردەوە کە لە خولەکی 66دا تۆماریکرد.
بەم بردنەوەیەش گاڵاتەسرای بە کۆکردنەوەی 75 خاڵ بووە پاڵەوانی خولی تورکیا، دوای یارییەکەش هاندەرانی یانەکە رژانە سەرشەقامەکان و ئاهەنگی بردنەوەی نازناوەکەیان گێڕا.
بافێتێمبی گۆمێز بە تۆمارکردنی ئەو گۆڵە ژمارەی گۆڵەکانی کردە 29 گۆڵ و بووە گۆڵکاری سوپەر لیگی تورکی هەروەها فاتیح تەریمی راهێنەری یانەکەش ئەمە حەوتەم نازناوی خولەکەیە لەگەڵ یانەی گاڵاتەسەرای بەدەستی دەهێنێت.
دوای بردنەوەی شێرەکان و بەدەستهێنانی نازناو، رەجەب تەیب ئەردۆغان سەرۆککۆماری تورکیا پیرۆزبایی خۆی ئاراستەی یانەکە کرد.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ