رووداو - هەولێر
رۆناڵد کۆیمان، بەڕێوەبەری هونەری یانەی ئێڤەرتۆنی ئینگلیزی دەیەوێت بۆ وەرزی نوێ پێکهاتەی یانەکەی رێکبخاتەوە و روی پاتریسیۆی گۆڵپارێزی هەڵبژاردەی پۆرتوگالیشی کردووەتەوە ئامانج.
رۆژنامەی زە سەنی ئینگلیزی رایگەیاندووە، دوای ئەو ئاستە بەرزەی گۆڵپارێزەکە لە رکابەرییەکانی یۆرۆ 2016 لەگەڵ پۆرتوگال پێشکەشیکرد بووەتە جێگەی سەرنجی کۆیمان و دەیەوێت بۆ وەرزی داهاتوو ئەو گۆڵپارێزە بەرگری لە گۆڵی یانەکەی بکات و ئامادەیی خۆیشی پێشانداوە 6 ملیۆن پاوەند بۆ بەدەستهێنانی پاتریسیۆ تەرخانبکات.
Everton set to snap up Portugal Euro 2016 star Rui Patricio https://t.co/edaW6p7Axj pic.twitter.com/nqsHiplkRO
— The Sun Football (@TheSunFootball) July 18, 2016
28 ساڵییە پۆرتوگالییەکە لەگەڵ هەڵبژاردەکەی نازناوی یۆرۆی 2016 و بەباشترین گۆڵپارێزی پاڵەوانێتییەکەش دەستنیشانکرا و یانەی سپۆرتینگ لیسبۆنەش بۆ دەستبەرداربوون لەو گۆڵپارێزە داوای 10 ملیۆن یۆرۆ دەکات.
سەرچاوەکە ئەوەشی راگەیاندووە، لە ئەگەری شکستهێنان لە گواستنەوەی پاتریسیۆ، هەریەکە لە کاسپەر شمایکل و ئاسمیر بیگۆڤیچ لە پلانەکانی ئیڤەرتۆندان.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ