هەڵەیەک روویدا! دووبارە هەوڵبدە
رووداو - هەولێر
ریۆ فێردیناند بەرگریكاری هەڵبژاردەی ئینگلتەرا و یانەی مانچستەر یونایتد چووە ریزەكانی یانەی كوینز پارك رێنجەرز.
یانەی كوینز پارك رێنجەرز، كە ئەم وەرزە گەڕاوەتەوە خولی پرێمەرلیگی ئینگلیزی، گرێبەستێكی لەگەڵ ریۆ فێردیناند بەرگریكاری پێشووی هەڵبژاردەی ئینگلتەرا و یانەی مانچستەر یونایتد واژووكرد، بەبێ ئەوەی نرخی گرێبەستەكە ئاشكرابكەن.
فێردیناند رازیبووە بۆ ماوەی یەك وەرز گرێبەستەكەی لەگەڵ ئەو یانەیە واژووبكات و قۆناخێكی نوێ لە ژیانی پیشەگەرانەی خۆی دەستپێبكات، پاش تەواوبوونی گرێبەستەكەی لەگەڵ مانچستەر یونایتد لە حوزەیرانی رابردوودا.
ریۆ تەمەنی 35 ساڵە و سوورە لەسەر گەڕانەوەی بۆ شاری لەندەن، كە خۆی لەدایكبووە.
ریۆ دەگەڕێتەوە ژێر سەرپەرشتی راهێنەر هاری رێدناپ، كە سەرەتا لە یانەی وێستهامدا مەشقی بە فێردیناند كردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ