بایرن میونش راهێنەری نوێ دەستنیشان دەکات

رووداو-هەولێر

یانەی بایرن میونشنی ئەڵمانی بەنیازە تۆماس تۆخێلی راهێنەری پێشووی بۆرووسیا دۆرتمۆند بکاتە راهێنەری یانەکەی.

بە گوێرەی هەواڵی رۆژنامەی بیڵدی ئەڵمانی، یانەی بایرن بەشێوەیەکی سەرەتایی لەگەڵ تۆماس تۆخێلی راهێنەری پێشووی بۆرووسیا دۆرتمۆند گەیشتووتە رێکەوتن بۆ شوێن گرتنەوەی یۆپ هاینکسی راهێنەری یانەکەیان و دەیانەێت وەرزی داهاتوو ئەرکی راهێنەرایەتییەکە بگرێتە ئەستٶ.

ئەمەش لە کاتێکدایە کە هاینکسی راهێنەری یانە باڤارییەکە رەتی دەکاتەوە درێژە بە ئەرکی راهێنەرایەتی ئەو یانەیە بدات و دەیەوێت کۆتایی وەرز یانەکە جێبهێڵیت.

تۆماس تۆخێل لەوکاتەوەی یانەی دۆرتمۆندی جێهێشتوو، گرێبەستی هەریەکە لە یانەکانی شاڵکێ، بایەرلیڤەرکوزن، ڤۆڵفسبۆرگ و شتوتگارتی رەتکردووەتە کە ئەرکی راهێنەرایەتییان وەربگرێت.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger