رووداو – هەولێر
بە فەرمی رۆژی پێنجشەممەی داهاتوو دەرگای گواستنەوەی یاریزانان لە خولی ئینگلیزیدا دەکرێتەوە.
ئەم بڕیارە لە کاتێکدایە پێشتر و لە ساڵانی رابردوودا دەرگای گواستنەوەی یاریزانان لە سەرەتای مانگی شەشدا دەکرایەوە، بەڵام ئەمجارە فێدراسیۆنی تۆپی پێی ئینگلتەرا بڕیاریداوە وادەی گواستنەوەی یاریزانان زووتر دەستپێبکات و پێش دەستپێکردنی یارییەکانی وەرزی داهاتووی خولەکەش دابخرێت.
جگە لە پرێمەرلیگ لە زۆربەی خولە گەورەکانی ئەوروپادا بە هەمان شێوە لە مانگی شەشدا دەرگای گواستنەوەی یاریزانان دەکرێتەوە و چەند رۆژێک دوای دەستپێکردنی وەرزی نوێ وادەکە کۆتاییدێت، بەڵام جگە لە پرێمەرلیگ لە هیچ خولێکی دیکەدا تاوەکو ئێستا ئەم بڕیارە نەدراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ