تۆماس لیمار دەیەوێت لە یانەی مۆناکۆ بڕوات

رووداو-هەولێر

تۆماس لیماری یاریزانی یانەی مۆناکۆی فەرەنسی داوی کردووە لە یانەکەی بڕوات و لە پریمەرلیگ یاریبکات.

 ڤادیم ڤاسیلێڤی سەرۆکی یانەی مۆناکۆی فەرەنسی لە روونکردنەوەیەکدا رایگەیاند "  تۆماس لیمار داوای کردووە رێگەی پێبدەن لە یانەکەی بروات و یاری بۆ یانەی ئارسیناڵ یاخود  لیڤەرپو بکات، بەڵام یانەکە هیچ وەڵامێکی یاریزانە 21 ساڵییەکەی نەداوەتەوە.

 هەر لە روونکردنەوەی سەرۆکی یانە فەرەنسییەکەدا هاتووە، یانەی ئارسیناڵ و لیڤەرپوول لە وەرزی گواستنەوەی هاوینەی رابردوودا گرێبەستێکی 70 ملیۆن یۆریان خستووەتە بەردەم یاریزانەکە،  بەڵام نەیان توانی بیگوازنەوە چونکە کاتەکەی درەنگ بووە و فریا نەکەووتوون.

تۆماس لیماری یاریزانی ناوڕاستی فەرەنسی لە ساڵی 2015 وە یاری بۆ یانەی مۆناکۆ دەکات و تاوەکو ئێستا بەشداری 65 یاری کردووە و 14 گۆڵیشی هەیە.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger