رووداو - هەولێر
بە فەرمی دەیڤد سیلڤای یاریزانی هەڵبژاردەی ئیسپانیا وازهێنانی لە یاری نێودەوڵەتی لەگەڵ هەڵبژاردەی وڵاتەکەیدا راگەیاند.
دەیڤد سیلڤای ئیسپانی و یاریزانی یانەی مانچێستەر سیتی دوای چەند ساڵێک یاریکردن لە ریزی لارۆخا، بە فەرمی وازهێنانی لە یاری نێودەوڵەتی رایگەیاند.
سیلڤا لە تۆڕی کۆمەڵایەتی تویتەر پۆستێکی کردووە و تێیدا ئاماژەی بەوە کردووە کە چیدیکە یاری بۆ هەڵبژاردەی وڵاتەکەی ناکاتەوە، هەروەها سوپاسی هەڵبژاردەی تۆپی پێی وڵاتەکەی کرد کە چەند ساڵێکە یارییان بۆ دەکات و لە ریزی هەڵبژاردەکەیدا زیاتر ئاستی بەرەوپێش چووە.
سیلڤا تەمەنی 32 ساڵە، ماوەی 17 ساڵە لەسەرجەم ئاستەکانی هەڵبژاردەی ئیسپانیادا یاریدەکات و لە ساڵی 2006 لە ریزی یەکەمی هەڵبژاردەی ئیسپانیا یاریدەکات، تاوەکو ئێستاش 125 یاری بۆ لارۆخا ئەنجامداوە و 35 گۆڵیشی تۆمارکردووە، هەروەها لە ساڵی 2008 و 2012دا جامی یۆرۆ و لە ساڵی 2010شدا نازناوی مۆندیالی لەگەڵ هەڵبژاردەی ئیسپانیادا بەدەستهێناوە.
لەم هەفتەیەدا سیلڤا دووەم یاریزانی ئیسپانییە وازهێنانی لە یاری نێودەوڵەتیدا رادەگەیەنێت دوای ئەوەی چەند رۆژێک پێش ئێستا جیرارد پیکێش وازهێنانی راگەیاند.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ