هەڵەیەک روویدا! دووبارە هەوڵبدە
رووداو - ئه‌رسه‌لان عه‌بدوڵڵا
یۆرگن كلۆپ راهێنه‌ری یانه‌ی بروسیا دۆرتمۆندی ئه‌ڵمانی رایگه‌یاند تیپه‌كه‌ی له قۆناغێكی زه‌حمه‌تدایه و پێویستی به موعجیزه‌یه.
دوای شكستی یانه‌كه‌ی له یارییه‌كه‌ی دوێنێ به‌رامبه‌ر بایه‌رلیڤه‌ركوزن له خولی بۆندسلیگای ئه‌ڵمانیا به گۆڵێكی بێبه‌رامبه‌ر له‌سه‌ر یاریگه‌ی خۆیدا، یۆرگن كلۆپ گوتی: له‌سه‌ره‌تادا یارییه‌كی باشمان ئه‌نجام دا، به‌ڵام دواتر وردبینیمان له‌ده‌ست دا و هه‌ندێك كێشه‌مان له هێڵی هێرشبردندا هه‌یه.
سه‌باره‌ت به ریزبه‌ندی خولی ئه‌ڵمانیا له كاتی ئێستادا، راهێنه‌ری دۆرتمۆند گوتی:" سه‌باره‌ت به ئێمه، ئێستا قۆناغێكی زۆر زه‌حمه‌ته له‌م وه‌رزه‌دا، پێده‌چێت پێویستمان به موعجیزه‌یه‌ك بێت بۆ ئه‌وه‌ی بگه‌ینه‌وه ركابه‌ری له‌سه‌ر نازناوه‌كه.
بروسیا دۆرتمۆند به شكستی به‌رامبه‌ر لیڤه‌ركوزن، به سی و یه‌ك خاڵ له پله‌ی سێیه‌می ریزبه‌ندی بۆندسلیگایه و ده خاڵ له بایرن میونشنی پێشه‌نگ دووره.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ