خەلیلۆزیچ لە ئەرکی راهێنەرایەتی هەڵبژاردەی ژاپۆن دوورخرایەوە

رووداو – هەولێر

ئاژانسی کیۆدوی ژاپۆنی بڵاویکردەوە، یەکێتی تۆپی پێی ژاپۆن، وەحید خەلیلۆزیچی بۆسنی لە ئەرکی راهێنەرایەتی هەڵبژاردەی ژاپۆن دوورخستەوە.

کوزو  تاشیما جێگری سەرۆکی یەکێتی تۆپی پێی ژاپۆن بە ئاژانسی هەواڵی کیودوی ژاپۆنی راگەیاند، دوای کۆبوونەوەی یەکێتییەکەیان بە تێکڕای دەنگ بڕیار لەسەر دوورخستنەوەی خەلیلۆزیچ درا لە راهێنەرایەتی هەڵبژاردەکەیان و ئاشکرایکرد، دواتر لە کۆنگرەیەکی رۆژنامەڤانیدا بە فەرمی دورخستنەوەکەی ئاشکرا دەکرێت.

هۆکاری دوورخستنەوەی خەلیلۆزیچی سێربی دەگەڕێتەوە بۆ ئەنجامی ئەو دوو یارییە دۆستانەی ژاپۆن بەرامبەر هەڵبژاردەی مالی کە یەکسانبوون و هەروەها بەرامبەر هەڵبژاردەی ئۆكراینا کە دووچاری دوڕان بوو دەگەڕێتەوە.

دوورخستنەوەی خەلیلۆزیچ لە کاتێکدایە تەنیا دوو مانگ ماوە بۆ دەستپێکردنی مۆندیال و چاوەڕوان دەکرێت، ئاکیرا نشینۆی ژاپۆنی راهێنەرایەتی ژاپۆن بکات لە مۆندیالی روسیا.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger