رووداو -سلێمانى
له یه‌كه‌م یارى نیوه‌ى كۆتایى پاڵه‌وانێتى یۆرۆى 2016ـى وڵاتى فه‌ره‌نسا ، ئه‌مشه‌و یارییه‌كى به‌هێز به‌ڕێوه‌ده‌چێت .
كاژێر 10:00 به كاتى باشوورى كوردستان له‌سه‌ر یاریگاى لیۆن هه‌ردوو هه‌ڵبژارده‌ى پۆرتوگال و وێلز به‌رامبه‌ر یه‌كتر ده‌وه‌ستنه‌وه .
پۆرتوگال تا گه‌یشتنى به یارى نیوه‌ى كۆتایى هیچ یارییه‌كى له كاتى یاسایى بردنه‌وه‌ى تۆمار نه‌كردووه به زه‌حمه‌ت گه‌یشتنى به‌م قۆناخه مسۆگه‌ركردووه‌و هاورێیانى رۆناڵدۆش مه‌به‌ستیانه به هه‌ر جۆرێك بێت ئه‌م یارییه‌ش بردنه‌وه مسۆگه‌ر بكه‌ن و بگه‌نه فیناڵى جامه‌كه .
هه‌رچى ویڵزه بۆ ئه‌م یارییه چاویان بڕیوه‌ته ئه‌زموونه‌كانى گاریس به‌یڵ له دۆخه سه‌خته‌كانى پاڵه‌وانێتییه‌كان و به دووریش نازانرێت په‌رینه‌وه بۆ یارى كۆتایى مسۆگه‌ر بكه‌ن .
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ