رووداو - هەولێر
دیێگۆ ئەرماندۆ مارادۆنا، ئەستێرەی بەناوبانگی تۆپی پێی ئەرجەنتین بۆ نەخۆشخانە گواسترایەوە و نەشتەرگەریی بۆ ئەنجامدەدرێت.
رۆژنامەی زە سەنی بەریتانی رایگەیاندووە، مارادۆنا بۆ نەخۆشخانەیەکی کۆڵۆمبیا گواستراوەتەوە و لە ئەژنۆیدا نەشتەرگەریی بۆ دەکرێت، لەکاتێکدا چوار مانگە بەدەست ئازارەوە دەناڵێنێت.
دیێگۆ مارادۆنا چەند هەفتەیەک پێش ئێستا گرێبەستی لەگەڵ یانەی دینامۆ برێستی بیلارووسی واژۆکرد و پۆستی راهێنەرایەتی یانەکەی وەرگرت.
ئەنجامدانی نەشتەرگەری بۆ ئەفسانەیەکی تۆپی پێی ئەرجەنتین لە کاتێکدایە کە چەند رۆژێک کەم ماوە بۆ دەستپێکردنی مۆندیال و ئەگەری هەیە مارادۆنا نەتوانێت ئامادەی یارییەکان ببێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ