رووداو - هەولێر
بەجێهێشتنی یانەی یوڤێنتۆس و پەیوەندیکردن بەریزەکانی یانەی مانچێستەر یونایتدی ئینگلیزی لەلایەن پۆڵ پۆگبای فەرەنسی لەنێو سەرچاوە رۆژنامەڤانییەکان بەناپاکی لێکدەدرێتەوە و دەڵێن پۆگبا ناپاکیی بەرامبەر هاوڕێکانی کردووە.
رۆژنامەی تۆتۆ سپۆرتی ئیتاڵی و لاگازێتا دێللۆ سپۆرت بڵاویانکردووەتەوە، پۆگبای خاوەنی چوار نازناوی خولی ئیتالیا لەگەڵ یوڤێنتۆس بە جیانلۆیجی بوفۆن و پاوڵۆ دیبالا گوتبوو وەرزی داهاتوو لە تۆرینۆ دەمێنێتەوە، لەبەرئەوە بە رۆیشتنی لەیانەکە پۆڵ ناپاکیی بەرامبەر هاوڕێکانی کرد.
پاوڵۆ دیبالا بەیەکێک لە نزیکترین هاوڕێکانی پۆگبا دادەنرێت و یاریزانەکە رایگەیاندبوو کە زۆر دڵنیاییە پۆگبا لە یوڤێنتۆس واز لە یاریکردن دەهێنێت.
پۆڵ پۆگبا لە گواستنەوەی هاوینەی یاریزاناندا بەرامبەر 105 ملیۆن یۆرۆ لە یانەی یوڤێنتۆسەوە پەیوەندیی بەریزەکانی مانچێستەر یونایتد کرد و بووە گرانترین گرێبەستی گواستنەوەی یاریزانان لەمێژوودا.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ