هەڵەیەک روویدا! دووبارە هەوڵبدە
رووداو – هه‌ولێر
بڕیاروایه فیلمێكی سینه‌مایی له باره‌ی ژیانی هه‌ردوو تێنسزانی ئه‌مه‌ریكی و خوشك، سێرینا و ڤینۆس ویلیامز به‌رهه‌بهێنتێت و ویل سمیسی ئه‌كته‌ری ناوداریش رۆڵی باوكیان ده‌بینێت.
فیلمه‌كه به ناوی King Richard ده‌بێت و زاك بایلین سیناریۆی بۆ نووسیوه، به‌ڕێوه‌به‌ری كاره‌كانی ویل سمیسی ئه‌كته‌ری ناوداری ئه‌مه‌ریكییش رۆڵی باوكی هه‌ردوو كچه یاریزانه‌كه ده‌بینێت، كه ناوی ریچارد ویلیامزه.
ویل سمیس
فیلمه‌كه له‌لایه‌ن هه‌ریه‌كه له تیم وایت و ترافۆر وایت له رێگه‌ی كۆمپانیای ستار ترۆریه‌ر ئینته‌رته‌یمنته‌وه به‌رهه‌مده‌هێنرێت، هه‌روه‌ها ویل سمیس له رێگه‌ی كۆمپانیاكه‌ی خۆیه‌وه "ئۆڤه‌ربرۆك ئینته‌رته‌یمنت" به‌شداری به‌شێكی به‌رهه‌مهێنانه‌كه ده‌كات.
هه‌ردوو خوشك سێرینا و ڤینۆس ویلیامز به ئه‌فسانه‌ی تێنس له ئاستی خانماندا داده‌نرێن و له گه‌ڕی كۆمپتۆن، كه یه‌كێكه له ترسناكترین گه‌ڕه‌كه‌كانی لۆس ئانجیلس، گه‌وره‌بوونه، به‌ڵام په‌یڕه‌ویی ئه‌و پلانه‌یان كردووه، كه باوكی بۆی داڕشتبوون و هه‌ر له‌سه‌ره‌تاوه باوكی پلانی ئه‌وه‌بووه كچه‌كانی ده‌ست به‌سه‌ر دنیای تێنسی خانماندا بگرن.
باوكی هه‌ردوو كچه یاریزانه‌كه، هه‌ر له منداڵییه‌وه كاری له‌سه‌ر منداڵه‌كانی كردووه و هانیداون تاوه‌كو ببنه دوو باشترین یاریزانی تێنس.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ