رووداو - هەولێر
زڵاتان ئیبراهیمۆڤیچی ئەستێرەی یانەی پاریس سانجێرمانی فرەنسی دوای بردنەوەی نازناوی جامی سوپەری فرەنسا ئاشكرایکرد ئەوە دوایین یارییەتی لەگەڵ یانە پاریسییەکە.
ئیبرا سوپرایزێکی گەورەی تەقاندەوە و دانیبەوەدانا کە یاری سوپەر دوا یارییەتی لەگەڵ یانەکەی و دوا نازناوە لەگەڵ ئەو یانەیەدا بەدەستی دەهێنێت.
لە هاوینی ئەمساڵدا زۆر قسە لەسەر مانەوە یان رۆیشتنی ئیبرا کرا لە یانەکەی و چەندینجار باسی ئەوە دەکرا ئەو یاریزانە دەگەڕێتەوە یانەی میلان و هەندێک سەرچاوەش باس لە هەوڵی یانەی مانچێستەر یونایتد دەکەن بۆ بەدەستهێنانی تواناکانی ئەو.
ئیبرا دوای یارییەکە گوتی ئەمە دوایین یاریمە لەگەڵ پی ئێس جی و من نزیکم لەوەی بڕیارێکی گرنگ لەسەر چارەنووسی خۆم بدەم.
رۆژنامەکانی فرەنسا ئاشکرایانکردووە لە چەند رۆژی رابردوودا یانەی گەڵاتەسەرای تورکی دەستەوارەیەکی گرنگی پێشکەشی ئەو یاریزانە کردووە و ئامادەیە مووچەی ساڵانەی 11 ملیۆن یۆرۆی بداتێ و ئەو رۆژنامانە دەڵێن ئەگەر زۆرە ئیبرا پەیوەندی بەو یانەیەوە بکات، بە تایبەت کە رایگەیاندبوو ئەو یانەیەی بۆی دەچێت جێگەی سەرنج دەبێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ