ئه‌مادۆر برنابیۆ، باپیری جیرارد پیكێی ئه‌ستێره‌ی بارسێلۆنا، باسی ئه‌و راپۆرتانه‌ی كرد، كه باسیان له بوونی قه‌یران له‌نێوان نه‌وه‌كه‌ی و دۆسته‌كه‌ی خانمه گۆرانیبێژی كۆلۆمبی شاكیرا ده‌كرد. كه بووه هۆی نانه‌وه‌ی مشتومڕێكی زۆر له ده‌زگاكانی راگه‌یاندن و تۆڕه كۆمه‌ڵایه‌تییه‌كاندا.
برنابیۆ كه پێشتر جێگری سه‌رۆكی یانه‌ی بارسێلۆنا بووه، له‌و باره‌وه گوتی "هه‌موو ئه‌و شتانه‌ی له راگه‌یاندنه‌كان بڵاوكرانه‌وه، راست نه‌بوون، په‌یوه‌ندی نێوانیان زۆر به‌هێزه، نه قه‌یران و نه كاره‌سات له‌نێو ماڵه‌كه‌یاندا نییه، ئه‌وان له جاران په‌یوه‌ستتر و یه‌كگرتووترن، ئه‌وان به‌رده‌وامن له عیشقه‌كه‌یان".
باپیرى پیكێ گوتیشی "شاكیرا ئێستا خۆی بۆ گه‌شتێكی گرنگ له كاروانی هونه‌ری خۆی ئاماده ده‌كات، له ماوه‌ی داهاتوودا له‌سه‌ر گه‌شته‌كانی له‌نێوان ئه‌وروپا و ئه‌مریكا به‌رده‌وام ده‌بێت، پێكێش له‌وه گه‌یشتووه".
هه‌روه‌ها دووپاتیشی كرده‌وه "پیكێ و شاكیرا كاری تایبه‌تی خۆیان هه‌یه، ناشكرێ وه‌ڵامی هه‌موو ده‌نگۆیه‌ك بده‌نه‌وه، كه له راگه‌یاندنه‌كان له باره‌یانه‌وه ده‌كرێ".
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ