رووداو: ئەدەب و کولتوور
یەکێک لە تابلۆ بەناوبانگەکانی وێنەکێشی بەناوبانگی جیهان پابلۆ پیکاسۆ بە نرخێکی ئێجگار گران فرۆشرا و فرۆشتنی تابلۆکەش ناوەندە هونەرییەکانی نیگەران کردووە.
ئاژانسی هەواڵی بی بی سی عەرەبی بڵاویکردەوە، تابلۆیەکی وێنەکێشی بەناوبانگی جیهان " پابلۆ پیکاسۆ بە 45 ملیۆن دۆلاری ئەمریکی فرۆشراوە و تابلۆکەش ناوی" رۆڵی گوریس"ـە کە بریتییە لە وێنەی یەکێك لە هاوڕێ نزیکەکانی و وێنەی ژنێکە بە جلوبەرگێکی شینەوە لەسەر کورسییەك دانیشتووە.
بەگوێرەی هەواڵەکەی بی بی سی عەرەبی، تابلۆکەی پیکاسۆ لەلایەن نازیەکانەوە لەماوەی ساڵانی جەنگی دووەمی جیهانیدا دزراوە، بەڵام دواتر لەلایەن جەنگاوەرانی فەرەنسییەوە دۆزراوەتەوە و پارێزراوە.
پابلۆ پیکاسۆ، وێنەکێش و شێوەکاری ئیسپانی، یەکێکە لە گەورەترین هونەرمەندانی سەدەی بیست. کارە هونەرییە ناوازە و ئاستبەرزەکانی لە جیهاندا بایەخێکی تایبەتیان پێدەرێت و لەدوای مردنی، بە بەهای دەیان ملیۆن دۆلار دەفرۆشرێن .
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ