بەگوێرەی ئەنجامی بەرایی 97%ـی گەڕی دووەمی هەڵبژاردنی سەرۆککۆماری تورکیا، ئەردۆغان 26.6 ملیۆن دەنگی بەدەستهێناوە و کڵچدارئۆغڵوش 24.3 ملیۆن دەنگی بەدەستهێناوە. 

 

بەپێی ئەو دەنگانە بێت، رەجەب تەیب ئەردۆغان 52.1%ی دەنگەکانی بەدەستهێناوە و کەمال کڵچدارئۆغڵوش 47.8%ی دەنگەکان. 

 

 

کۆمیسیۆنی هەڵبژاردنەکانی تورکیا ئەنجامی بەرایی 64%ـی دەنگەکانی بڵاوکردەوە و ئەردۆغان لەپێشە. 

 

بەگوێرەی ئەو دەنگانەی جیاکراونەتەوە، رەجەب تەیب ئەردۆغان تائێستا %54.47ی دەنگەکانی بەدەستهێناوە و کەمال کڵچدارئۆغڵوش %45.53ی دەنگەکان. 

 

 

میدیای نزیک لە ئۆپۆزیسیۆنی تورکیا رایگەیاند، بەگوێرەی ئەنجامی بەرایی 89.8%ی گەڕی دووەمی هەڵبژاردنی سەرۆککۆماری تورکیا، کەمال کڵچدارئۆغڵو 49.24% و ئەردۆغانیش 50.7% دەنگەکانیان هێناوە.  

 

وەک میدیای نزیک لە ئۆپۆزیسیۆنی تورکیا دەڵێت، ئەردۆغان 24.6 ملیۆن دەنگی بەدەستهێناوە و کڵچدارئۆغڵوش 23.8 ملیۆن دەنگی بەدەستهێناوە. 

 

 

بەگوێرەی ئەنجامی بەرایی 89.8%ی گەڕی دووەمی هەڵبژاردنی سەرۆککۆماری تورکیا، رەجەب تەیب ئەردۆغان تائێستا 52.7%ی دەنگەکانی بەدەستهێناوە و کەمال کڵچدارئۆغڵوش 47.2%ی دەنگەکان. 

 

ئەردۆغان 24.6 ملیۆن دەنگی بەدەستهێناوە و کڵچدارئۆغڵوش 22.1 ملیۆن دەنگی بەدەستهێناوە. 

 

لە بەرامبەردا میدیای ئۆپۆزیسیۆنی تورکیا دەڵێت، کەمال کڵچدارئۆغڵو 49.33% و ئەردۆغانیش 50.67% دەنگەکانیان هێناوە. 

 

 

بەگوێرەی ئەنجامی بەرایی 66.7%ی گەڕی دووەمی هەڵبژاردنی سەرۆککۆماری تورکیا، رەجەب تەیب ئەردۆغان تائێستا 54.78%ی دەنگەکانی بەدەستهێناوە و کەمال کڵچدارئۆغڵوش 45.22%ی دەنگەکان. 

 

 

بەگوێرەی ئەنجامی بەرایی 55.1%ی گەڕی دووەمی هەڵبژاردنی سەرۆککۆماری تورکیا، رەجەب تەیب ئەردۆغان تائێستا 55.8%ی دەنگەکانی بەدەستهێناوە و کەمال کڵچدارئۆغڵوش 44.2%ی دەنگەکان. 

 

 

بەگوێرەی ئەنجامی بەرایی 42%ی گەڕی دووەمی هەڵبژاردنی سەرۆککۆماری تورکیا، رەجەب تەیب ئەردۆغان لەپێشە و تائێستا 58%ی دەنگەکانی بەدەستهێناوە و کەمال کڵچدارئۆغڵوش 42%ی دەنگەکان. 

 

ئەنجامی بەرایی 36%ی گەڕی دووەمی هەڵبژاردنی سەرۆککۆماری تورکیا بڵاوکرایەوە و رەجەب تەیب ئەردۆغان لەپێشە و تائێستا 57.95%ی دەنگەکانی بەدەستهێناوە و کەمال کڵچدارئۆغڵوش 42.02%ی دەنگەکان.

ئەنجامی بەرایی 28%ی گەڕی دووەمی هەڵبژاردنی سەرۆککۆماری تورکیا بڵاوکرایەوە و رەجەب تەیب ئەردۆغان 59.21%ی دەنگەکان و کەمال کڵچدارئۆغڵو 40.79%ی دەنگەکانی بەدەستهێناوە.

 

ئەحمەد یەنەر، سەرۆکی دەستەی باڵای هەڵبژاردنەکانی تورکیا رایگەیاند، گەڕی دووەمی هەڵبژاردنی سەرۆکایەتیی تورکیا بەبێ هیچ کێشەیەک کۆتاییهاتووە.

 

بە گوتەی سەرۆکی دەستەی باڵای هەڵبژاردنەکانی تورکیا، هیچ دۆخێکی نەرێنی نەبووە کە کاریگەریی لەسەر پرۆسەی دەنگدان هەبووبێت.

 

 

سندووقەکانی دەنگدان بۆ هەڵبژاردنی سەرۆککۆماری تورکیا داخران و کەمێکی دیکە دەست بە جیاکردنەوەی دەنگەکان دەکرێت.

 

بەیانیی ئەمڕۆ یەکشەممە 28-05-2023 کاژێر 08:00 دەنگدان لە گەڕی دووەمی هەڵبژاردنی سەرۆککۆماری تورکیا دەستیپێکرد. رکابەرییەکە بۆ بەدەستهێنانی پۆستی سەرۆککۆماری تورکیا لەنێوان رەجەب تەیب ئەردۆغان، بەربژێری هاوپەیمانیی جمهوور و کەمال کڵچدارئۆغڵو، بەربژێری هاوپەیمانیی میللـەتە و کاژێر 17:00 سندووقەکانی دەنگدان داخران و پرۆسەی هەڵبژاردن کۆتاییهات.

 

بۆ رووماڵی گەڕی دووەمی هەڵبژاردنی سەرۆککۆماری تورکیا تۆڕی پەیامنێرانی رووداو سات بە سات دیمەنەکان دەگوازنەوە:

 

 

بەگوێرەی یاسای هەڵبژاردنی تورکیا، پێویستە بەربژێری سەرۆکایەتیی کۆمار 50+1٪ـی دەنگەکان بەدەستبهێنێت. لە ئەگەری نەگەیشتنی دەنگی هیچکام لە بەربژێرەکان بۆ ئەو رێژەیە، هەڵبژاردن دەچێتە گەڕی دووەم و مەرجە لەماوەی 15 رۆژدا هەڵبژاردنەکە بکرێت. لە گەڕی دووەمدا واتا لەمەی ئەمڕۆ، بەربەستی 50+1٪ نامێنێت و رکابەرایەتی لەنێوان دوو بەهێزترین بەربژێر دەکرێت کە دەنگی یەکەم و دووەمیان لە گەڕی یەکەم بەدەستهێناوە و هەر کامیان زۆرترین دەنگ بەدەست بهێنێت، دەبێتە سەرۆککۆماری تورکیا. 

 

لە گەڕی یەکەمی هەڵبژاردنی سەرۆکایەتیی کۆماردا، رەجەب تەیب ئەردۆغان 49.52٪ی دەنگەکان، کەمال کڵچدارئۆغڵو 44.88٪ی دەنگەکان، سینان ئۆغان 5.17٪ی دەنگەکان موحەڕەم ئینجە 0.43٪ی دەنگەکانیان بەدەستهێنا. بەهۆی ئەوەی هیچکام لە بەربژێرەکان 50+1٪ی دەنگەکانیان نەبردەوە، هەڵبژاردنی سەرۆکایەتیی لە نێوان ئەردۆغان و کڵچدارئۆغڵو کەوتە گەڕی دووەم. 

 

دەستەی باڵای هەڵبژاردنەکانی تورکیا، دوای راگەیاندنی ئەنجامی کۆتایی هەڵبژاردنی گەڕی یەکەم، دەستی بە چاپکردنی پسوولەی نوێی دەنگدان کرد کە تەنیا وێنەی ئەردۆغان و کڵچدارئۆغڵو لەسەرە. پسوولەکان رۆژی 18ـی مانگ گەیێندرانە 156 باڵیۆزخانە و کۆنسوڵگەرییەکانی تورکیا لە 73 وڵاتی جیهان و دەروازە سنوورییەکان.

 

لە پرۆسەی دەنگدانی دەرەوە و دەروازە سنوورییەکاندا یەک ملیۆن و 912 هەزار و 687 کەس دەنگیانداوە. دەنگدان لە دەروازە سنوورییەکاندا وەک هەڵبژاردنی گشتیی کاژێر 17:00ـی رۆژی 28ـی مانگ کۆتایی دێت، بەڵام لە دەرەوە کۆتایی هاتووە. 

 

لە گەڕی دووەمی هەڵبژاردنی سەرۆکایەتی کۆماردا 64 ملیۆن و 163 هەزار و 899 کەس مافی دەنگدانیان هەیە؛ 49 هەزار و 958 کەسیان یەکەمجارە مافی دەنگدانیان هەیە؛ لە زیندانەکاندا 53 هەزار و 172 کەس دەتوانن دەنگ بدەن. 

 

لە گەڕی یەکەمی هەڵبژاردنەکەدا کە رۆژی 14ـی ئایار بەڕێوەچوو، 64 ملیۆن و 145 هەزار و 504 کەس مافی دەنگدانیان هەبوو. لەو ژمارەیە 55 ملیۆن و 833 هەزار و 153 کەس دەنگیان دا؛ 54 ملیۆن و 796 هەزار و 49 دەنگی پەسندکراو هەبوون؛ لە بەرامبەردا 1 ملیۆن و 37 هەزار و 104 دەنگی پووچەڵ تۆمارکران. رێژەی بەشداربوون 87.04٪ بوو.

 

لە دەرەوەی تورکیا 1 ملیۆن و 676 هەزار و 268 کەس و لە دەروازەکاندا 146 هەزار و 847 کەس دەنگیاندا. 

 

رەجەب تەیب ئەردۆغان 27 ملیۆن و 133 هەزار و 849 دەنگی بەدەستهێنا؛ لە نێوخۆی تورکیا 26 ملیۆن و 86 هەزار و 102 دەنگ و لە دەرەوەی تورکیا 967 هەزار و 180 دەنگ و لە دەروازەکاندا 80 هەزار و 567 دەنگ . 

 

کەمال کڵچدارئۆغڵو 24 ملیۆن و 595 هەزار و 178 دەنگی بەدەستهێنا؛ لە نێوخۆی تورکیا 23 ملیۆن و 873 هەزار و 749 دەنگ؛ لە دەرەوەی تورکیا 665 هەزار و 111 دەنگ و لە دەروازەکان 56 هەزار و 318 دەنگ.