هەڵەیەک روویدا! دووبارە هەوڵبدە
نوسرەت خەڵکی گوندی بێردکە لە باکووری کوردستان
رووداو - گوندی بێردک
نوسرەت گۆکچە، بەهۆی شێوازە جیاوازەکەی لەئامادەکردنی گۆشت، یەکێکە لە کەسایەتییە دیارەکانی تۆڕە کۆمەڵایەتییەکان. ئەو، کوردە و خەڵکی باکووری کوردستانە، لە دوایین چالاکیشیدا مزگەوتیکی لە گوندەکەی کردەوە.
نوسرەت گۆکچە، خەڵکی گوندی بێردکە لە باکووری کوردستان، کە حکومەتی تورکیا ناوەکەی گۆڕیوە بۆ گوندی پاشاڵی و سەر بە پارێزگای ئەرزڕۆمە. کەسوکاری نوسرەت هێشتا لە گوندی بێردک دەژین و بە زمانی کوردیش قسە دەکەن.
کیراز، یەکێک لە دانیشتووانی گوندەکەیە، بە تۆڕی میدیایی رووداوی راگەیاند "نوسرەت خەڵکی گوندەکەی ئێمەیە، ئەو کوردە و هەموو کەسوکاریشی کوردن".خەڵکی گوندەکە دەگێڕنەوە، دەڵێن نوسرەت هەتاوەکو تەمەنی گەیشتووەتە دوو ساڵ لەو گوندەی ئەواندا ژیاوە، بەڵام خانەوادەکەی رۆیشتوون.
ئێستاش ئامۆزاکانی نوسرەت لە گوندەکەیاندا ماون. محەممەد گۆکچە ئامۆزای نوسرەتە و دەڵێ "ئەو کوڕی مامی ئێمەیە. هەموومان نوسرەتمان خۆشدەوێت... ئەو ئێستا لە ئیستەنبوڵ دەژی و ئێمە لە گوندین".
نوسرەت گۆکچە جار جارە پاڵپشتیی لە پرۆژە خزمەتگوزارییەکان لە گوندەکەی خۆیدا دەکات، دوایین پرۆژەش دروستکردنی مزگەوتێکە، کە باوکی زۆر شانازی پێوە دەکات.
بەهۆی سەرقاڵبوونی بە کار و چالاکییەکانی، نوسرەت نەیتوانی لە مەراسیمی کردنەوەی مزگەوتەکە (کە مزگەوتێکی بچووکە و شوێنی مانەوە و ئامادەکردنی خواردنیشی تێدایە) ئامادەبێت، بەڵام لەڕێی تەلەفۆنەوە پەیوەندی پێوە کردن و وایکرد باوکی زیاتریش شانازی پێوە بکات.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ