نێچیرڤان بارزانی و ئەحمەد ئەبولغەیت.
رووداو دیجیتاڵ
نێچیرڤان بارزانی، سه‌رۆکی هه‌رێمی کوردستان لە ئەنتاڵیا لەگەڵ ئه‌حمه‌د ئهبولغهیت، ئه‌مینداری گشتیی کۆمکاری وڵاتانی عه‌ره‌بی، کۆبووه‌وه. ئەحمەد ئەبولغەیت "رۆڵى هه‌رێمى كوردستانى له پاراستنى ئارامى و سه‌قامگيرى له عێراق و ناوچه‌كه، "به گرنگ له قه‌ڵه‌م دا".
کۆبوونەوەکە ئەمڕۆ شه‌ممه 12-04-2025، لە پەڕاوێزی کۆڕبەندی دیپلۆماسیی ئانتاڵیا، لەو شارەی تورکیا کرا.
سەرۆکایەتیی هەرێمی کوردستان لە راگەیێندراوێکدا دەڵێت، لە کۆبوونەوەکەدا پەیوەندییەکانی عێراق و هه‌رێمی کوردستان له‌گه‌ڵ کۆمکاری عه‌ره‌بی تاوتوێ كران. هه‌روه‌ها ده‌رباره‌ى په‌یوه‌ندییه‌کانی هه‌ولێر - به‌غدا، پێشهاته سیاسییه‌کانی عێراق و ناوچه‌که، گرنگيى پاراستنى سه‌قامگیری و به‌هێزکردنی دیالۆگ بۆ چاره‌سه‌ركردنى كێشه‌كان، بیروڕایان گۆڕییه‌وه.
لە راگەیێندراوەکەدا هاتووە، نێچیرڤان بارزانی ستايشى هه‌وڵه‌كانى کۆمکاری وڵاتانی عه‌ره‌بی بۆ پاراستنى ئاشتی و سه‌قامگیری له ناوچه‌که كرد، هه‌روه‌ها رۆڵی ئهبولغهیت و كۆمكارى عەرەبی له لێكنزيككردنه‌وه‌ى بۆچوونى وڵاتانى ئه‌ندام، به ئه‌رێنى هه‌ڵسه‌نگاند.
بەگوێرەی سەرۆکایەتیی هەرێمی کوردستان، ئه‌مینداری گشتیی کۆمکاری عه‌ره‌بی، به‌ره‌وپێشچوون و رۆڵى هه‌رێمى كوردستانى له پاراستنى ئارامى و سه‌قامگيرى له عێراق و ناوچه‌كه، "به گرنگ له قه‌ڵه‌م دا".
ڤیدیۆ: کۆبوونەوەی نێچیرڤان بارزانی، سەرۆکی هەرێمی کوردستان لەگەڵ ئەحمەد ئەبوغەیت، ئەمینداری گشتیی کۆمکاری عەرەبی لە پەراوێزی کۆڕبەندی ئەنتاڵیا pic.twitter.com/IsmQi2MnH7
— Rudaw (@Rudawkurdish) April 12, 2025
نێچیرڤان بارزانی لە دوێنێوە بۆ بەشداریکردن لە کۆڕبەندی دیپلۆماسیی ئەنتاڵیا، لە تورکیایە. لە دوێنێوە چەندین کۆبوونەوەی لەگەڵ سەرۆک و سەرکردەی وڵاتان ئەنجامداوە.
ئەمڕۆ شەممە، بە جیا لەگەڵ هەریەک لە سێرگی لاڤرۆڤ، وەزیری دەرەوەی رووسیا و یاشار گولەر، وەزیری بەرگریی تورکیا کۆبووەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ