ئێرانییەکان بە گرنگییەوە چاوەڕێی ئەنجامی هەڵبژاردنی ئەمریكا دەکەن

رووداو - هەولێر

ئێرانییەکان بە گرنگییەوە چاوەڕێی ئەنجامی هەڵبژاردنی ئەمریكا دەکەن و بەپێی راپرسییەک، 52% ئێرانییەکان پێیان باشە کلینتۆن دەنگ بهێنێتەوە. بەرپرسانی ئێرانیش دەڵێن، ترەمپ و کلینتن یەک لەیەکدی خراپترن.

هەرچەندە بەرپرسانی باڵای ئێران دەڵێن، بەربژێری کۆماریخواز و دیموکراتەکان یەک لە یەکدی خراپترن، بەڵام بەهۆی ناکۆکییەکانی نێوان تاران و واشنتن و کاریگەری ئەمریکا لەسەر هاوکێشە سیاسی و سەربازییەکان، خەڵکی ئێران و رۆژهەڵاتی کوردستان بە گرینگییەوە چاوەڕێی ئەنجامی هەڵبژاردنەکە دەکەن.

بەپێی راپرسییەک، لەناوخۆی ئێران 52 لەسەدی ئێرانییەکان پێیان باشترە هیلاری کلینتن سەربكەوێت و دژی ترەمپن.

پرۆسەی دەنگدانی هەڵبژاردنی 45ـەمین سەرۆککۆماری ئەمریکا، کاژێر 2ی پاش نیوەڕۆی رۆژی سێشەممە 8-11-2016 بە کاتی باشووری کوردستان دەستیپێکرد و تاوەکو بەرەبەیانی چوارشەممە بەردەوام دەبێت. 

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger