رووداو - ئاژاسنەکان
سەرۆک وەزیرانی تورکیا ئاشکرایکرد، کە دەزگای هەواڵگری MIT ئۆپەراسیۆنێکی لە نێو سنوورەکانی سوریا ئەنجامداوە و توانیویەتی ئەو ئەفسەرە تورکە رزگاربکات، کە چەند رۆژێک پێش ئێستا رفێندرابوو.
رۆژی 5-1-2015 ئەحمەد داودئۆغڵو، سەرۆک وەزیرانی تورکیا لە رێگەی ئەکاونتی تایبەتی خۆیەوە لە تۆڕی کۆمەڵایەتی تویتەر ئاشکرایکرد، کە دەزگای هەواڵگری MIT ئۆپەراسیۆنێکی لە نێو سنوورەکانی سوریا ئەنجامداوە و توانیویەتی ئەو ئەفسەرە تورکە رزگاربکات، کە چەند رۆژێک پێش ئێستا رفێندرابوو.
رۆژی 3-1-2015 میدیاکانی تورکیا هەواڵی رفاندنی ئەفسەرێکی سوپای وڵاتەکەیان بڵاوکردەوە، کە لەسەر سنووری سوریا کاریکردووە و پێشتر 70 کەسی دەستگیرکردووە، کە ویستوویانە بە قاچاغ ئەو سنوورە ببڕن بۆ چوونە نێو ریزەکانی رێکخراوی داعش.
سەبارەت بە ئۆپەراسیۆنی رزگارکردنی ئەفسەرەکە داودئۆغڵو گوتی: "ئەفسەرە رفێندراوەکەمان لە ئەنجامی ئۆپەراسیۆنێکی سەرکەوتووی MIT گەڕایەوە بۆ وڵات. ". بەڵام هەتا ئێستا هیچ زانیارییەکی فەرمی بڵاونەکراوەتەوە بۆ پشتڕاستکردنەوەی ئەوەی، کە ئەفسەرە تورکەکە لە لایەن رێکخراوی داعشەوە رفێندرابێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ