هەڵەیەک روویدا! دووبارە هەوڵبدە
رووداو- هەولێر
شووتی یەکێکە لە میوە بەتامەکانی وەرزی هاوین، بەهۆی تامە شیرینەکەشی زۆرجار تووشبووانی شەکرە دەپرسن ئایا دەتوانین شووتی بخۆین؟ ئەمەش چونکە ئەو کەسانەی تووشبووی شەکرەن، دەبێت ئاگایەکی زیاتریان لەو خۆراک و خواردنەوانە بێت کە رۆژانە دەیخۆن تاکو شەکری خوێنیان بەرزنەبێتەوە.
شووتی میوەیەکی دەوڵەمەندە بە ڤیتامینەکانی وەک ڤیتامین A ،C و B12 و هەروەها پۆتاسیۆم، مەگنیزیۆم، ریشاڵ، کالیسیۆم و ئاسنی تێدایە، بەجۆرێک 288 گرام خواردنی شووتی دەتوانێت نزیکەی %31 پێداویستی جەستە بۆ ڤیتامین A دابینبکات.
توێژینەوەکان دەریانخستووە، تووشبووانی نەخۆشی شەکرە دەتوانن رۆژانە دوو بۆ چوار پارچە شووتی بخۆن و زۆربەی پزیشکانیش هاوڕان کە شووتی دەتوانێت رێگە لە لێکەوتە نەخوازراوەکانی نەخۆشی شەکرەش بگرێت.
شووتی بە ماددەی لایکۆپین دەوڵەمەندە، هەر ئەو ماددەیەشە کە رەنگە سوورەکەی پێدەبەخشێت، لایکۆپین دژە ئۆکسێنێکی بەهێزە و مەترسیی نەخۆشییەکانی دڵ کەمدەکاتەوە، کە نزیکەی %68ی تووشبووانی شەکرە بەهۆی نەخۆشییەکانی دڵەوە گیانلەدەست دەدەن.
ئەم میوەیە تامەکەی شیرینە بەڵام شەکری خوێن بەرزناکاتەوە بۆیە تووشبووانی شەکرە دەتوانن لە ژەمە خۆراکییەکانیاندا ئەو میوە بخۆن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ