چوار کاژێر ئاگر لە گۆیژە؛ سووتانی رەنجی چەند...

گالەری

چوار کاژێر ئاگر لە گۆیژە؛ سووتانی رەنجی چەند ساڵێک

29-07-2024

28 Photos

رووداو دیجیتاڵ

بەهۆی ئەو ئاگرەی لە شاخی گۆیژە کەوتەوە و نزیکەی چوار کاژێر بەردەوام بوو، رووبەرێکی فراوانی دارستان و پووش و پاوانی شاخەکە سووتا.

بەپێی خەمڵاندنە سەرەتاییەکان زیاتر لە 200 دۆنمی شاخی گۆیژە لە سلێمانی بەهۆی ئاگرەکەی بەرەبەیانیی ئەمڕۆ (دووشەممە، 29-7-2024) سووتاوە، ئاگرێک، کە تائێستاش هۆکاری دروستبوونی دیار نییە.

ئاگرەکە بەشێکی زۆری ئەو نەمامانەی سووتاندووە، کە لەدوای ئاگرێکی دیکە و سووتانی دارەکان، رووێنرابوون بۆ ئەوەی شاخەکە بە سەوزی بمێنێتەوە.

ئاوات محەممەد، قایمقامی سلێمانی بە رووداوی گوت هەوڵی زۆریان داوە بۆ رێگری لەو رووداوانە و ئاگربڕی زۆر کراوە، بەڵام ''تاوەکو ئێستا نازانین هۆکارەکەی چییە. بەشێکی زۆر لەو دارانەی سووتاون، ئەوانەن کە لە چوار ساڵی رابردوو خزمەتکراون و ئاو دراون.''

ئەو دارانەی سووتاون، بەڕوو، سنەوبەر و چەند جۆرێکی دیکەن. قایمقامی سلێمانی گوتی، "هەموو جۆرە دارێکی تێدایە."