هەڵەیەک روویدا! دووبارە هەوڵبدە
رووداو دیجیتاڵ
767 ئاوارەى دیکەى کەمپەکانى هەرێمى کوردستان گەڕانەوە زێدى خۆیان و کۆمەکى دارایی وەزارەتى کۆچ و کۆچبەرانیان پێدەدرێت.
ئەو ئاوارانە ئەمڕۆ دووشەممە 28ى تشرینى یەکەم لە دوو کەمپى ئاوارەکانى هەولێرى پایتەختى هەرێمى کوردستانەوە گەڕاونەتەوە.
عەلى جەهانگیر، گوتەبێژى وەزارەتى کۆچ و کۆچبەرانى عێراق بە تۆڕى میدیایی رووداوى راگەیاند، ئەو ئاوارانە لە کەمپەکانى حەسەن شام و خازرەوە گەڕاونەتەوە، زۆرینەیان خەڵکى نەینەوا بوون و هەندێکى دیکەیان خەڵکى پارێزگاى سەلاحەدین بوون.
بەگوێرەى راگەیێندراوێکى ئەو وەزارەتە، گەڕانەوەى ئەو ئاوارانە بە هاوکاری بەرپرسانى حکومەتى هەرێمى کوردستان و حکومەتى خۆجێیی نەینەوا بووە.
عەلى جەهانگیر گوتی: "گەڕانەوەی کاروانى دیکەى ئاوارەکان بەڕێوەیە، لە دواى ئەوەى بە ویستى خۆیان داواى گەڕانەوە دەکەن".
وەزارەتى کۆچ و کۆچبەران لە کاتى گەڕانەوەى هەر خێزانێکى ئاوارە بۆ زێدى خۆى، چوار ملیۆن دینار، تەباخ، بەفرگر و تەلەڤزیۆنێکیان پێدەدات.
گوتەبێژى وەزارەتى کۆچ و کۆچبەرانى عێراق رایگەیاند، نزیکەى 20 هەزار خێزانى ئاوارە لە کەمپەکانى هەرێمى کوردستان ماون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ