رووداو دیجیتاڵ
دوای بەرزبوونەوەی نرخی بەنزین لە هەولێر، ئەمڕۆ لە سلێمانیش هەر لیترێک بەنزین 50 دینار بەرزبووەوە.
لەم مانگەدا دووەم جارە نرخی بەنزین بەرز دەبێتەوە. ئەمڕۆ نرخی لیترێک بەنزینی نۆرماڵ لە سلێمانی بە 925 دینارە، لەکاتێکدا دوێنێ 875 دینار بوو؛ 15ـی ئەم مانگەش 850 دینار بوو.
گۆران قادر، سەرۆکی لیژنە هاوبەشەکانی قایمقامییەتی سلێمانی ئەمڕۆ چوارشەممە بە رووداوی گوت، "نەوەک لە سلێمانی، لە هەموو هەرێمی کوردستان بەنزیخانە تایبەتەکان خۆیان نرخ دیاری دەکەن. ئێمە چاودێریی کواڵیتی و جۆر و بڕی بەنزینەکە دەکەین".
22-08-2024 لە هەولێر بەنزینی نۆرماڵ لیتری بوو بە 925 دینار، لەکاتێکدا پێشتر 820 دینار بوو.
سەرەتای مانگی چواری ئەم ساڵ لیترێک بەنزینی نۆرماڵ لە هەرێمی کوردستان 775 دینار بوو.
لە هەرێمی کوردستان جگە لە بەنزینی نۆرماڵ، بەنزینی موحەسەن و سوپەریش هەیە کە لیتری لە نێوان 950 بۆ 1500 دینارە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ