دیمەنی تێکدانی ماڵی هاونیشتمانییەک لە گوندەکە. وێنەکە لە ڤیدیۆ وەرگیراوە
رووداو دیجیتاڵ
ئەمڕۆ یەکشەممە، 27-3-2022، موختاری گوندی ئورە لە دەڤەری بەرواری باڵا بە تۆڕی میدیایی رووداوی راگەیاند، ورچ هێرشی کردووەتە سەر ماڵی چەند هاونیشتمانییەک لە گوندەکە و کەلوپەل و بەشێک لە باخەکانیانی تێکداوە.
ئەحمەد ئورەیی، موختاری گوندی ئورە بە تۆڕی میدیایی رووداوی راگەیاند، لە 20-12-2021ـەوە و بەهۆی شەڕی تورکیا و پەکەکە لە ئەو هاونیشتمانییانە ماڵەکانی خۆیان چۆڵکردبوو.
ئەمڕۆ دوای ئەوەی حەوت سەرۆک خێزان دەگەڕێنەوە گوندەکە بۆ ئەوەی سەر لە باخ و کەلوپەلەکانیان بدەن، دەبینن دەرگە و پەنجەرەی ماڵەکانیان شکاوە، شوێنەکە شێواوە و مێشەهەنگەکانیشیان بەشێکی زۆری لەنێوچووە.
وەکو موختاری ئەو گوندە بە رووداوی گوت، جێگە پێی ورچ لەنێو باخەکان و بەشێک لە شوێنەکانی دیکە دەرکەوتووە.
بەهۆی ئەوەی زیاتر لە سێ مانگە ماڵەکانیان جێهێشتووە، ئەو کەسانە بە دیاریکراوی نازانن کەی بووە ورچ هێرشی کردووەتە سەر ماڵەکانیان.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ