بەوێنە: پێشوازی نێچیرڤان بارزانی و شاندی باڵای...

گالەری

بەوێنە: پێشوازی نێچیرڤان بارزانی و شاندی باڵای هەرێمی کوردستان لە ئەردۆغان

22-04-2024

12 Photos

بڵند تاهیر @Bilindtahir

رووداو دیجیتاڵ

ئێوارەی ئەمڕۆ دووشەممە، 22-4-2024، رەجەب تەیب ئەردۆغان، سەرۆککۆماری تورکیا بە سەردانێک گەیشتە فڕۆکەخانەی هەولێر و لەلایەن نێچیرڤان بارزانی، سەرۆکی هەرێمی کوردستان و شاندێکی باڵاوە پێشوازی لێکرا.

لە پاش ناساندنی شاندەکەی هەرێمی کوردستان بە ئەردۆغان و وچانێکی کورت لە بەشی پێشوازیی فڕۆکەخانە، سەرۆککۆماری تورکیا بە یاوەری نێچیرڤان بارزانی بەرەو سەرۆکایەتیی هەرێمی کوردستان بەڕێکەوت.

سەردانەکەی ئەردۆغان لە پاش 13 ساڵ دێت؛ دوایین جار کە سەردانی عێراق و هەرێمی کوردستانی کرد لە ساڵی 2011 بوو.

ئەردۆغان سەرلەبەیانی ئەمڕۆ گەیشتە بەغدا، لەگەڵ هەریەک لە محەممەد شیاع سوودانی، سەرۆکوەزیرانی عێراق و لەتیف رەشید، سەرۆککۆماری عێراق کۆبووەوە.

بە سەرپەرشتی ئەردۆغان و سوودانی، 26 یاداشت و رێککەوتن لەنێوان عێراق و تورکیا واژۆ کران، کە خۆیان لە بوارەکانی ئاسایش، بازرگانی، ئاو، رێگەی گەشەپێدان و چەند بوارێکی دیکە دەبیننەوە.