رووداو دیجیتاڵ
بەڕێوەبەری نووسینگەی نەهێشتنی تاوانی ئازادی لە شاری کەرکووک دەڵێت، دوو کرێکاری خەڵکی کۆبانێی رۆژئاوای کوردستان بە هۆی گازی سۆپاوە گیانیان لە دەستداوە.
ئەمڕۆ شەممە، 21ی کانوونی یەکەمی 2024، موقەدەم سامان رەمەزان، بەڕێوەبەری نووسینگەی نەهێشتنی تاوانی ئازادی لە کەرکووک بە تۆڕی میدیایی رووداوی راگەیاند، "دوو کرێکاری خەڵکی کۆبانێ کە دوو بۆ سێ مانگ بوو بۆ کارکردن هاتبوونە ناحیەى تازە لە کەرکووک، بەرەبەیانی ئەمڕۆ بەهۆى لێچوونى گازى سۆپاوە گیانیان لەدەستداوە".
بەڕێوەبەری نووسینگەی نەهێشتنی تاوانی ئازادی لە شاری کەرکووک گوتی، "ئەو دوو کرێکارە لە خێوەتدا دەژیان. ئەم شەو نزیک کاژێر 02:00 بەرەبەیان دوای کارکردن گەڕاونەتەوە و سۆپای گازیان هەڵکردووە، دواتر خەوتوون. بەهۆى لێچوونى گازەوە هەردووکیان گیانیان لەدەستداوە."
بە گوتەی سامان رەمەزان، "ئێستا تەرمى هەردوو کرێکارەکە لە نەخۆشخانەى ئازادیى کەرکووکە."
یەکێک لە کرێکارەکان خێزاندار و تەمەنی 33 ساڵ بووە؛ ئەوی دیکەیان سەڵت و تەمەنی 26 ساڵ بووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ