رووداو دیجیتاڵ
بەڕێوەبەرایەتیی کامپی چەمشکۆ رایدەگەیێنێت: لەنێوان دوو خێزاندا لە کامپەکە بەهۆی منداڵەوە شەڕ دروستبووە و چوار کەس بە سووکی بریندار بوون."
کاژێر 21:00ـی ئەمشەو لەنێو کامپەکە شەڕەکە روویداوە، بەرپرسێک لەو بەڕێوەبەرایەتییە بە رووداو گوت: ئەو دوو خێزانە بە دار و بە بەرد شەڕیان کردووە و ئێستا بریندارەکان نەخۆشخانەیان جێهێشتووە.
فەیسەڵ عەلی، دانیشتووی کامپی چەمشکۆ جەختیکردەوە کە شەڕەکە لەسەر منداڵ بووە و راگەیاند: "هەردوولایان ئامۆزا و دراوسێی یەکدین، پێنج کەس بریندار بوون."
ئەو دانیشتووەی کامپەکە دەڵێت: "دەگوترێت یەکێکی دیکەش لە کاتی جیاکردنەوەی ئەو دوو خێزانەدا بریندار بووە و پەیوەندیی بە شەڕەکەوە نەبووە."
فەیسەڵ عەلی نیگەرانی لەبارەی ئەو کەسانە پێشاندا کە لە تۆڕە کۆمەڵایەتییەکان شەڕەکەیان "زۆر بە گەورەیی" باسکردبوو و گوتی "بەوشێوەیە نەبوو، زیاد لە پێویست قەبارەی رووداوەکە گەورەکرا."
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ