رووداو دیجیتاڵ
سبەی قۆناخی سێیەمی سەرژمێری لە هەرێمی کوردستان و عێراق کۆتایی دێت کە تۆمارکردنی ناوی خێزانەکانە. سەرۆکی کەرتی راگەیاندنی سەرژمێری لە هەرێمی کوردستان دەڵێت، هەرکەس بژمێر سەردانی نەکرد، پەیوەندی بە ژمارە 567ـەوە بکات.
کارزان رەزا، سەرۆکی کەرتی راگەیاندنی سەرژمێری لە هەرێمی کوردستان ئەمڕۆ (چوارشەممە)، بە تۆڕی میدیایی رووداوی گوت، "سبەی دوایین رۆژی تۆمارکردنی ناوی ئەندامانی خێزانەکانە؛ پێویستە تاوەکو کاژێر 12:00ـی شەو، هەموو کەسێک تۆمار کرابێت."
لەبارەی ئەو کەسانەی بە هەر هۆکارێک بێت، بژمێرەکان سەردانیان نەکردن، سەرۆکی کەرتی راگەیاندنی سەرژمێری گوتی، راستەوخۆ پەیوەندی بە هێڵی گەرمی 567 بکەن لە رێگەی هەردوو هێڵەکانی ئاسیاسێڵ و کۆڕەک تیلیکۆمەوە.
بەگوێرەی زانیارییەکانی تۆڕی میدیایی رووداو، لە کەرکووکیش ئەم ژمارانە بەردەستن بۆ هەرکەسێک لە سنووری پارێزگاکە ئەگەر بژمێرەکان سەردانیان نەکەن: 07779278630 - 07779278610 - 07779278540
هەروەها کاوە شێخانی، راوێژکاری پارێزگاری سەلاحەدین بە تۆڕی میدیایی رووداوی گوت، "هەرکەسێک لە سنووری خوورماتوو بژمێرەکان سەردانیان نەکردن، پەیوەندی بەم ژمارەیەوە (07701542275) بکەن، هاوکارییان دەکەین."
هاوکات ئەگەر سبەی هەر هاونیشتمانییەک لە سنووری مەخموور بژمێرەکان سەردانیان نەکرد، دەتوانێت پەیوەندی بەم ژمارەیەوە بکات: 07507990725
ئەگەر بژمێرەکان لە سنووری خانەقین سەردانیان نەکردن، دەتوانن پەیوەندی بەو ژمارانەوە بکەن؛ 9647701364961 یان 9647701906532.
سبەی دوایین رۆژی تۆماری ئەندامانی خێزانە و قەدەخەی هاتووچۆش کۆتایی دێت. لە هەیینییەوە قۆناخی چوارەمی سەرژمێری دەستپێدەکات کە فۆڕمێکە و زیاتر لە 70 پرسیاری تێدایە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ