دیمەنی کاتی ئاگرکەوتنەوەکە
رووداو دیجیتاڵ
بەهۆی هەورەبرووسکەوە گۆڕەپانێکی کۆکردنەوەی کارتۆن لە سنووری ئیدارەی سەربەخۆی زاخۆ ئاگری گرت. بەرگریی شارستانیی زاخۆ دەڵێت، تیمەکانیان خەریکی کۆنترۆڵکردنی ئاگرەکەن.
ئەمڕۆ هەینی، 19-05-2023، رائید جەمال هەسن، بەڕێوەبەری بەرگریی شارستانیی زاخۆ بە تۆڕی میدیایی رووداوی راگەیاند، دوای نیوەڕۆی ئەمڕۆ دووجار هەورەبرووسکە لە گۆڕەپانەکەیدا و بەهۆیەوە ئاگر کەوتەوە، تیمەکانیان گەیشتنە شوێنی رووداوەکە و خەریکی کۆنترۆڵکردنی ئاگرەکەن.
گۆڕەپانەکە دەکەوێتە نزیک گەڕەکی بێدارێ لە زاخۆ، بەڕێوەبەری بەرگریی شارستانیی زاخۆ دەڵێت، دوو تیمیان بە 9 ئۆتۆمبێلی ئاگرکوژێنەوەوە بەشداری لە کۆنترۆڵکردنی ئاگرەکەدا دەکەن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ